Avropa
Şurasının Uşaq
Hüquqları Koordinasiya Komitəsinin
6-cı plenar iclası işə
başlayıb
Strasburqda Avropa Şurasında Uşaq Hüquqları Koordinasiya Komitəsinin (CDENF) 6-cı plenar iclası işə başlayıb.
AZƏRTAC
xəbər verir ki, Milli Məclisin Beynəlxalq münasibətlər
və parlamentlərarası əlaqələr komitəsinin sədr
müavini, Avropa Şurasında Azərbaycan nümayəndə
heyətinin üzvü Sevinc Fətəliyeva komitə
iclasında iştirak edir.
İclasda Avropa Şurasının uşaq hüquqları üzrə strategiyasının həyata keçirilməsi, strategiyanın izlənilməsi, uşaqların zorakılıqdan qorunması, bütün uşaqlar üçün bərabər imkanlar yaradılması və onların sosial inteqrasiya, eləcə də texnologiyalardan təhlükəsiz istifadənin bütün uşaqlara əlçatan olması, böhran vəziyyətində uşaq hüquqları, Avropa Şurasını və digər təşkilatların müvafiq orqanları ilə əməkdaşlıq kimi bir çox məsələlər müzakirə ediləcək. Həmçinin gələcək prioritetlər barədə Nazirlər Komitəsinə məsləhətlər vermək üçün Uşaq Hüquqları Koordinasiya Komitəsinin fəaliyyəti ilə bağlı fikir mübadiləsi aparılacaq.
Azərbaycanlı deputat müzakirə olunan məsələlərlə bağlı fikirlərini bildirəcək.
Uşaq Hüquqları Koordinasiya Komitəsinin plenar iclası noyabrın 15-dən 17-dək davam edəcək.
Qeyd edək ki,
18 noyabr Avropa
Uşaqların Istismardan və Cinsi Zorakılıqdan Müdafiə Günü kimi qeyd olunur.
Azərbaycan.-2022.- 16 noyabr.- S.7.