İrəvan dalana
dirənib
Ermənistanda miqrasiya
prosesinin daha da sürətlənməsi gözlənilir
Ermənistanda sosial-iqtisadi vəziyyətin təhlili aydın şəkildə göstərir ki, ölkədə inflyasiya böyük sürətlə dərinləşdiyi təqdirdə, əhalinin maddi gəlirlərində hansısa artım yoxdur. Yaranan fərq nisbəti insanların durumunun daha da ağırlaşmasına, onların ifrat yoxsulluq həddində yaşamasına səbəb olmaqdadır. Rəsmi dairələr də inflyasiya prosesinin nəzarətdən çıxdığını, vəziyyətin ağırlaşdığını etiraf edirlər.
Elə mövcud hakimiyyətin səriştəsizliyinin nəticəsidir ki, Ermənistan daha bir ili ağır vəziyyətlə başa vurmaq üzrədir. İqtisadçılar 2022-ci ilin də ölkə üçün yaxşı heç nə vəd etmədiyini diqqətə çatdırıblar. Məsələ bundadır ki, ölkədə bu ilin 9 ayında sosial-iqtisadi vəziyyətdə müsbətə doğru heç bir dəyişiklik olmayıb. Əhalinin maddi gəlirlərində artım qeydə alınmayıb. Yaranan fərq nisbəti vətəndaşların sosial vəziyyətinin daha da ağırlaşmasına, onların ifrat yoxsulluq həddində yaşamasına səbəb olubdur. Rəsmi dairələr də inflyasiya prosesinin nəzarətdən çıxdığını, vəziyyətin daha da ağırlaşdığını etiraf edirlər.
Ermənistanın rəsmi statistikasına görə, bu gün ölkədə hər 5 nəfərdən biri yoxsulluq həddində yaşayır. Beynəlxalq qurumların hesabatlarına görə də bu göstərici Ermənistanda hər 3 nəfərdən birinə aiddir. Bu ölkənin rəsmi statistikasında hər 5 nəfərdən biri işsizdir. Beynəlxalq hesabatlarda bu rəqəm 25 faizə yaxındır. Praktik olaraq Ermənistanın həm rəsmi statistikası, həm də beynəlxalq hesabatlar ölkənin sosial və iqtisadi vəziyyətinin kifayət qədər acınacaqlı olduğunu göstərir.
Bütün bunların fonunda Ermənistanda anti-Rusiya ab-havası artmaqdadır. Erməni saytları bu ölkənin əleyhinə silsilə yazılar dərc edir, siyasətçilər, ziyalılar isə tez-tez Rusiya əleyhinə açıqlamalar verirlər. Məsələn, erməni ictimai xadimi Manvel Qasparyan iddia edib ki, artıq bir çox əcnəbi banklar İrəvanın müttəfiqinə görə Ermənistanla maliyyə əməliyyatlarından və ümumilikdə əməkdaşlıqlardan yayınmağa başlayıblar: "Bəzi məlumatlara görə, xarici banklar, maliyyə mərkəzlərinin əksəriyyəti Ermənistanda sövdələşmə əməliyyatlarından imtina ediblər. Sövdələşmələri davam etdirən yalnız 2-3 bank var. Səbəb ölkəmizdə olan Rusiya kapitalının dövriyyəsidir. Bununla əlaqədar ölkəmizə müəyyən məhdudiyyətlər qoyulub. Əgər daha konkret məlumatınız varsa, bizimlə paylaşın".
"4rd.am" saytı yazır ki,
Ermənistan əhalisinin üçdəikisi yoxsulluq
həddində yaşayır. Nəşr qeyd
edir ki, Ermənistanda insanlar yoxsul
olduqlarını etiraf etməyə
utanırlar: "Ona görə də statistik xidmətlərin göstəriciləri
reallığı əks etdirmir. Bu gün Ermənistanda yoxsulluq 41 min dram (86 dollar) səviyyəsində
müəyyən edilib. O zaman belə çıxır ki, 42 min
drama yaşayan insan yoxsul deyil?!"
Sayt miqrasiya
sahəsində də
acınacaqlı durumun
yarandığını diqqətə
çatdırır. Qeyd olunur
ki, Rusiya Ermənistan vətəndaşlarına
öz vətəndaşları
kimi baxılması üçün nə lazımdırsa edir.
Bunu Ermənistan hakimiyyəti vətəndaşlarının
ölkəyə qayıtmaması
üçün istəyir:
"Ermənistan hakimiyyətinin
Rusiya ilə apardığı danışıqlar
yalnız postmüharibə
dönəmində İrəvana
dəstək çıxması
ilə yanaşı, insanların ölkəni tərk etməməsi üçün Ermənistanda
yeni iş yerlərinin açılmasını
əhatə etmir. Ermənistan hakimiyyəti, eyni zamanda Moskvadan miqrant vətəndaşları
üçün ən
yaxşı şəraiti
yaratmağı xahiş
edir. Səbəb də odur ki, Rusiyadan qayıdan
vətəndaşlar Nikol
Paşinyan üçün
əlavə təhlükə
yarada bilərlər.
Hazırkı hakimiyyət üçün
ağır vəziyyətdən
çıxış yollarından
biri də emiqrasiyadır".
Bütün sahələrdə iflasa uğrayan Ermənistanda işsizlik böhranı da yaşanır. Ölkədə təkcə gənclərin
42 faizi işsizdir.
Qeyd olunur ki, həkimlər,
tibb bacıları, mühəndislər, müəllimlər,
digər peşə və sənət adamları arasında işsizlik hallarına daha çox rast gəlinir. Bu arada daha bir maraqlı məqam işsizlərin arasında qadınların
sayının getdikcə
artmasıdır. Hesab edilir
ki, Ermənistanda işsizlər arasında kişilərin azlıq təşkil etməsi təəccüb doğurmamalıdır.
Çünki kişilərin əksəriyyəti
öz ailəsini dolandırmaq məqsədilə
ölkəni tərk edərək Rusiyaya və digər ölkələrə üz
tutub. Xarici ölkələrə gedənlərin
sayı bir milyonu ötüb.
Belə halda isə artıq iflic vəziyyətində olan Ermənistan iqtisadiyyatının
rəqabətə davamlılıq
reytinqi aşağı
düşməkdədir.
Elçin CƏFƏROV,
Azərbaycan.-2022.- 16 noyabr.- S.12.