İlham Əliyevin
təşəbbüsü regiona inkişaf və sülh vəd edir
“3+3” çoxtərəfli əməkdaşlıq
formatının yaradılması
yeni reallıqlardan irəli gəlir
Azərbaycanın və bütün regionun müasir tarixinin ən böyük hadisəsi olan İkinci Qarabağ müharibəsi
Cənubi Qafqaz üçün tamamilə
yeni reallıqlar və persektivlər formalaşdırıb.
İlk növbədə torpaqlarımızın
işğaldan azad olunmasını təmin etməklə, Ermənistanın
işğal siyasətinə
birdəfəlik son qoymaqla
Prezident İlham Əliyev rəsmi Bakının bölgəmizdəki
dominant statusunu, habelə
qlobal nüfuzunu daha da yüksəldib. Digər tərəfdən
bu müharibənin nəticələrinin bütün
qonşu dövlətləri
əhatə edən yeni əməkdaşlıq
imkanlarına yol açması regionda və beynəlxalq miqyasda qəbul olunan reallıqdır.
Azərbaycan öz maraqlarını uğurla
təmin edir
Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın irəli
sürdüyü təşəbbüsə
əsasən “3+3” regional məsləhətləşmələr
mexanizminin yaradılması
da regionda yeni reallıqlardan irəli gələn əməkdaşlığın həyata keçirilməsinə
xidmət edir. Yeni əməkdaşlıq
imkanlarının işə
salınması isə
ilk növbədə regionun
təhlükəsizliyi və
inkişafı üçün
mühüm amillərdən
biri hesab olunur. Rəsmi Bakı Vətən
müharibəsinin başa
çatmasından sonra
bu əməkdaşlığa
hazır olduğunu dəfələrlə bəyan
edib, bununla bağlı bütün
real təşəbbüslərə müsbət yanaşıb.
Xatırladaq ki,
2020-ci il noyabrın 10-da imzalanmış
üçtərəfli bəyanatda
gələcək regional əməkdaşlığı
da ehtiva edən ilkin müddəalar əksini tapıb. Bəyanatın
9-cu bəndində göstərilir
ki, bölgədəki
bütün iqtisadi və nəqliyyat əlaqələri bərpa
edilir və Ermənistan vətəndaşların,
nəqliyyat vasitələrinin
və yüklərin hər iki istiqamətdə
maneəsiz hərəkətinin
təşkili məqsədilə
Azərbaycan Respublikasının
qərb rayonları və Naxçıvan Muxtar Respublikası arasında nəqliyyat əlaqəsinin təhlükəsizliyinə
zəmanət verir. Ötən ilin noyabrında keçirilən
Soçi görüşünün
əsas müzakirə
mövzusu 2020-ci il noyabr bəyanatının, həmçinin
regionda bütün iqtisadi və nəqliyyat əlaqələrinin
bərpası haqqında
2021-ci il 11 yanvar tarixli bəyanatın yerinə yetirilməsinin gedişi barədə oldu.
Soçi görüşündə Rusiya
Prezidenti Vladimir Putin nəqliyyat
dəhlizlərinin açılmasından
bəhs etdi və bunun həm
dəmir yoluna, həm də avtomobil yollarına aid olduğunu xüsusi vurğuladı. Rusiya Prezidentinin fikirləri bir daha göstərdi
ki, Zəngəzur dəhlizi layihəsi rəsmi Moskva tərəfindən ən
ali səviyyədə
dəstəklənir. Soçidə imzalanmış yekun bəyanatda bütün iqtisadi və nəqliyyat əlaqələrinin
bərpası üzrə
təsis edilmiş Üçtərəfli İşçi
Qrupunun fəaliyyəti
yüksək qiymətləndirildi
və regionun iqtisadi potensialının üzə çıxarılması
məqsədilə konkret
layihələrin tezliklə
həyata keçirilməsinin
zəruriliyi vurğulandı.
Brüssel görüşündə də
kommunikasiya və nəqliyyat xətlərinin
açılması məsələsi
geniş müzakirə
olundu və Ermənistan tərəfi öz ərazisindən dəmir yolu xəttinin çəkilməsi
ilə bağlı üzərinə düşən
öhdəliyi təsdiq
etdi. Avropa İttifaqı
Şurasının prezidenti
Şarl Mişelin üçtərəfli görüşün
nəticəsinə dair
bəyanatında qeyd olundu ki, 2020-ci il 10 noyabr, 2021-ci il 11 yanvar və
26 noyabr görüşləri
və görüşlərin
nəticəsi olan bəyanatlardan irəli gələn öhdəliklər
yerinə yetirilməlidir.
Şarl Mişelin bəyanatında
həmçinin diqqətə
çatdırılıb ki,
Avropa İttifaqı Cənubi Qafqaz regionunda iqtisadi əməkdaşlığın inkişafını dəstəkləyir.
Eyni zamanda bəyanatda birgə iqtisadi əməkdaşlıq platformasının
yaradılması təklifi
irəli sürülür.
Şarl Mişel regionda kommunikasiya infrastrukturunun yaradılmasına, ölkələr
arasında əlaqəni
təmin edən xətlərin açılmasına
və inkişaf etdirilməsinə Aİ-nin
dəstəyini ifadə
edib. Bəyanatda dəmir yolu
xəttinin çəkilməsi
məsələsinə xüsusi
toxunulub.
Yeni format bütün
iştirakçıların maraqlarına uyğundur
Prezident İlham
Əliyev ötən ilin dekabrında İspaniyanın EFE informasiya
agentliyinə müsahibəsində
bu əməkdaşlıq
platformasının əhəmiyyətini
şərh edərək
demişdir: “Bu, nəinki
müharibədən sonrakı
məsələlərə, eləcə də ümumiyyətlə, bizim
bölgədə regional inkişafa
xidmət edəcək.
Çünki əgər biz regionun
altı ölkəsi arasında bu cür əməkdaşlıq
formatını yaratmağa
müvəffəq olsaq,
bu, hər hansı yeni düşmənçilik hərəkətlərinə
qarşı əsas zəmanət olacaq. Bu, regional əməkdaşlığın
mühüm amilinə
çevriləcək və
çox fayda gətirəcək”.
İran “3+3” formatında əməkdaşlıq
əlaqələrinin genişlənməsi
təşəbbüsünü təqdir edir. Bu ölkənin
Xarici İşlər
Nazirliyinin Avrasiya ölkələri üzrə
departamentinin baş direktoru Əlirza Həqiqiyan mətbuata açıqlamasında deyib
ki, bu formata
daxil olan Türkiyə, Azərbaycan,
İran, Rusiya, Ermənistan və Gürcüstan iqtisadi-ticarət
və nəqliyyat-tranzit
sahələrində əməkdaşlıq
edərək böyük
fayda qazana bilərlər. İranın Silahlı Qüvvələrinin
Baş Qərargah rəisi general-leytenant Məhəmmədhüseyn Baqeri
də bu günlərdə qeyd edib ki, İran
Azərbaycan Prezidentinin
regionda “3+3” formatında
əməkdaşlıq əlaqələrinin
qurulması təklifini
dəstəkləyir.
O cümlədən
Rusiya çoxtərəfli
regional əməkdaşlığın inkişafının bu formatdakı bütün iştirakçıların maraqlarına
tam cavab verdiyinə əsaslanaraq “3+3” təşəbbüsünü
dəstəkləyib. Rusiyada hesab
edirlər ki, bu mexanizm dövlətlərarası
münasibətlərdə inamın artırılmasına,
mövcud ziddiyyətlərin
tənzimlənməsinə və regionun iqtisadi, nəqliyyat və humanitar potensialının aşkar
edilməsinə kömək
edər. “3+3” formatında Azərbaycan, Ermənistan, İran, Rusiya və Türkiyə xarici işlər nazirlərinin
müavinləri səviyyəsində
təsis iclası da ötən ilin dekabrında Moskvada keçirildi.
İclasda regionda etimadın
artırılması, iqtisadiyyat
və nəqliyyat əlaqələrinin bərpası,
yenidən qurulması
və genişləndirilməsi
sahəsində əməkdaşlığın
inkişafına yönəlik
fikir mübadiləsi aparıldı. Mexanizm çərçivəsində
nazir müavinləri səviyyəsində görüşlərin
və müzakirələrin
ən azı ildə iki dəfə
olmaqla, rotasiya əsasında hər dəfə bir iştirakçı ölkədə
keçirilməsi nəzərdə
tutulur. Görüşlər və müzakirələr
Xarici İşlər
nazirliklərinin əlaqələndirməsi
və yönəltməsi
çərçivəsində iqtisadiyyat və nəqliyyat nazirliklərinin,
ehtiyac yarandıqda isə digər sahəvi qurumların iştirakı ilə keçiriləcək. Məsləhətləşmələr mexanizminin fəaliyyətinin
inkişafından asılı
olaraq, daha yüksək səviyyədə
görüş və
müzakirələr təşkil
oluna bilər. Mexanizmin fəaliyyəti konsensus prinsipi əsasında aparılacaq.
Bütövlükdə “3+3” formatı etimad quruculuğu tədbirlərinin
həyata keçirilməsi,
ticarət-iqtisadi, nəqliyyat,
mədəni və humanitar sahələrdə
qarşılıqlı fəaliyyətlə
bağlı mühüm
təşəbbüsdür. Çoxtərəfli
regional əməkdaşlığın inkişafı bu formatlı bütün potensial iştirakçıların
maraqlarına uyğundur.
Rəşad CƏFƏRLİ
Azərbaycan.- 2022.-28 yanvar.- S.1; 4.