ABŞ-dan olan səyyah: Qarabağda əldə edilən nailiyyətlər bütün Türk dünyası xalqları üçün qürur mənbəyidir

Qarabağa səfər zamanı biz yeni hava limanı ilə tanış olduq və tikintinin sürətlə aparıldığını gördük. Həmçinin dövlətin bu ərazilərdə quruculuq işləri həyata keçirməsinin şahidi olduq. Bunlar yalnız bu ölkənin insanları üçün deyil, bütün region üçün faydalı olacaq. Düşünürəm ki, bu infrastrukturlara yatırım etmək gələcək, sülh və rifah üçün böyük uğur gətirəcək.

Bu sözləri müsahibəsində ABŞ-dan gəlmiş səyyah Brayan Qreko söyləyib.

“Biz Qarabağa “NomadMania” klubu vasitəsilə səfərə gəlmişik. Bu ərazilərlə bağlı məlumatlanmaq üçün buraya dəvət olunmuşuq. Buna görə minnətdarıq. Mən artıq bir neçə ildir Türkiyədə yaşayıram. Orada yalnız türk xalqının mədəniyyəti ilə deyil, Azərbaycan xalqı ilə də yaxından tanış olmuşam. Burada qarşılaşdığımız qonaqpərvərliyə görə minnətdarıq. Burada əldə olunan nailiyyətlər bütün Türk dünyası xalqları üçün qürur mənbəyidir” – deyə səyyah bildirib.

Azərbaycan.-2023.- 5 noyabr, № 243.- S.8.