Ağdam Muğam
Mərkəzində "Azərbaycan-İraq"
Mədəni Əlaqələr
İctimai Birliyinin layihəsi, Qeyri-Hökumət
Təşkilatlarına Dövlət
Dəstəyi Agentliyinin
maliyyə yardımı
və "Vətən
Media" yaradıcılıq qrupunun təşkilatçılığı
ilə çəkilmiş, Vətən
Müharibəsi şəhidi
İsrafil Zülfüqar
oğlu İbrahimovun xatirəsinə həsr olunmuş "Şuşalı qəhrəman
İsrafil İbrahimov:Yalnız
irəli-4 " sənədli filminin təqdimat mərasimi keçirilmişdir.
Ağdam Rayon
İcra Hakimiyyətinin
dəstəyi ilə təşkil edilmiş tədbirdə şəhidin
ailə üzvləri,
rayon icra hakimiyyətinin başçısı
Vaqif Həsənov, aparatın əməkdaşları,
YAP Ağdam Rayon Təşkilatının sədri
Mansur Quliyev, şəhid ailələri,
qazilər, filmin yaradıcı heyəti,
QHT-lərin və rayon ictimaiyyətinin nümayəndələri
iştirak etmişlər.
Mərasim Dövlət
himninin səsləndirilməsi
ilə başlamış,
Ulu Öndər Heydər Əliyevin və ölkəmizin ərazi bütövlüyü
və suverenliyi uğrunda şəhid olmuş Vətən övladlarının əziz
xatirəsi birdəqiqəlik
sükutla yad edilmişdir.
Tədbiri giriş
sözü ilə rayon icra hakimiyyətinin
başçısı Vaqif
Həsənov açaraq
iştirakçıları salamlamış, şəhid
İsrafil İbrahimovun
keçdiyi şərəfli
döyüş yolundan,
şəhid ailələrinə,
qazilərə göstərilən
dövlət qayğısından
bəhs etmişdir.
Qəhrəman şəhidin
atası Zülfüqar
İbrahimov çıxış
edərək filmin ərsəyə gəlməsində
əməyi olanlara və tədbirin təşkilatçılarına minnətdarlığını bildirmişdir.
Çıxışlardan sonra
film nümayiş etdirilmişdir.
Azərbaycan Ordusunun
kiçik çavuşu
olan İsrafil
İbrahimov 2020-ci il sentyabrın 27-də Azərbaycan Silahlı Qüvvələri tərəfindən
Ermənistanın işğalı
altında olan ərazilərin azad edilməsi və Azərbaycanın ərazi
bütövlüyünün bərpa olunması üçün başlanan
İkinci Qarabağ müharibəsi zamanı Cəbrayılın, Qubadlının
və Laçının
azadlığı uğrunda
aparılan döyüşlərdə
iştirak etmiş, oktyabrın 26-da Laçın
rayonunun Səfiyan kəndi istiqamətində gedən
döyüş əməliyyatlarında
qəhrəmancasına şəhid olmuşdur. İsrafil Zülfüqar oğlu
İbrahimov ölümündən sonra Azərbaycan Respublikası Prezidentinin müvafiq sərəncamları
ilə 3-cü dərəcəli "Vətənə
xidmətə görə"
ordeni, "Vətən uğrunda"
, "Cəbrayılın azad
olunmasına görə",
"Qubadlının azad
olunmasına görə"
və "Laçının
azad olunmasına görə" medalları
ilə təltif edilmişdir.
Lazım QULİYEV,
Azərbaycan.-2023.-22
oktyabr, ¹231.-S.11.