Qələbə bir günə təmin edildi
Azərbaycan Silahlı
Qüvvələrinin birgünlük
antiterror tədbirləri
uğurla başa çatdı. Bu, Müzəffər Ali Baş Komandan İlham Əliyevin yaratdığı tarixinin
ən qüdrətli Azərbaycanının
gücünün, yüksək
peşəkarlığın və mükəmməl hazırlanan planın bariz təcəssümüdür.
İkinci Qarabağ
müharibəsində gücünü
nümayiş etdirən
qüdrətli Azərbaycan
birgünlük uğurlu
antiterror tədbirləri
ilə bir daha göstərdi ki, öz suveren
ərazilərində "boz
zona"nın yaranmasına
imkan verməyəcək.
Bu qələbə
ilə Azərbaycan həm də bütün şərtlərini
qəbul etdirdi və bundan sonra öz ərazisinə
tam nəzarət edəcək.
Qarabağda keçirilən
lokal xarakterli antiterror tədbirləri sentyabrın 20-də başa
çatdı. Antiterror
tədbirləri çərçivəsində
qarşı tərəfə
məxsus hərbi təyinatlı texnikalar sıradan çıxarıldı,
döyüş mövqeləri
və sığınacaqları
zərərsizləşdirildi.
Müdafiə Nazirliyinin
yaydığı məlumatda
qeyd edilir ki, Ermənistan silahlı qüvvələri
birləşmələrinin tərtibləndiyi 90-dan artıq
döyüş mövqeyi,
eləcə də bir neçə strateji əhəmiyyətli
yüksəklik Silahlı
Qüvvələrimizin nəzarətinə
keçirilib. Eyni zamanda qarşı tərəfə məxsus
hərbi nəqliyyat vasitələri, minaatanlar,
tank və piyadanın döyüş
maşınları, eləcə
də xeyli sayda silah-sursat Silahlı Qüvvələrimizin
bölmələri tərəfindən
qənimət olaraq götürülüb.
Bütün bunlar
24 saat ərzində keçirilən antiterror tədbirləri nəticəsində
reallaşdı. Yəni
qeyri-qanuni cinayətkar
rejim cəmi bir günə tərk-isilah olundu və Azərbaycanın şərtlərini qəbul
edərək ağ bayraq altında Yevlax şəhərində
danışıq aparmağa
hazır olduğunu bəyan etdi.
Əslində, Azərbaycan
reinteqrasiya məsələlərini
müzakirə etmək
üçün bir neçə dəfə ölkəmizin Qarabağ bölgəsində yaşayan
erməni sakinlərin
nümayəndələrini dialoqa çağırmışdı.
Amma hər dəfə onlar bundan imtina etmişdilər.
Bu dəfə isə onlar buna məcbur edildilər. Onlar hələ
Birinci Qarabağ müharibəsində "Yevlaxa
qədər gələcəyik"
deyirdilər. İndi isə bəli, 31 ildən sonra, amma ağ bayraq
qaldırmış üzüqara
məğlub kimi Yevlaxa gəlirlər...
Azərbaycan Ordusu
Qarabağda keçirdiyi
birgünlük lokal xarakterli antiterror tədbirləri ilə cinayətkar rejimi diz çökdürməklə
suverən ərazilərində
"boz zona"nın
yaradılması cəhdinin
qarşısını aldı.
Antiterror tədbirlərinə
başlamazdan əvvəl
Azərbaycan üç
şərt irəli sürmüşdü: Ermənistan
hərbi birləşmələri
bölgədən çıxır,
qanunsuz silahlı birləşmə tərk-silah
olur, qondarma qurum özünü buraxır. Bu şərtlər qəbul
olunduğu təqdirdə
danışıqlar başlayır.
Hayastandakı bəzi
qüvvələrin həyata
keçirilən antiterror
tədbirləri ilə
bağlı dünyaya
uydurma, yalan dolu məlumatlar yaymaq cəhdləri də iflasa uğradı. Belə ki, Ermənistanda aranı qarışdırmağa
çalışan keçmiş
hərbi xuntanın tör-töküntüsü Azərbaycan
Silahlı Qüvvələrinin
antiterror tədbirləri
çərçivəsində guya mülki əhalinin hədəfə
alınması, yaşayış
məntəqələrinə zərbələr endirilməsi
ilə bağlı yalan məlumatlar yayırdılar. Azərbaycan
Müdafiə Nazirliyinin
faktlar əsasında,
vidogörüntülər vasitəsilə dünyaya
təqdim etdiyi məlumatlar ermənilərin
növbəti yalanını
ifşa etdi.
Ümumiyyətlə, Silahlı Qüvvələrimiz
tərəfindən keçirilən
tədbirlər çərçivəsində
mülki şəxslər
və heç bir mülki obyekt qətiyyən hədəfə alınmadı,
yalnız legitim hərbi hədəflər
bölmələrimiz tərəfindən
zərərsizləşdirildi.
Amma antiterror tədbirləri keçirilən
zaman erməni xisləti yenə də özünü göstərdi. Qondarma cinayətkar rejimin silahlı dəstələrinin
Şuşaya artilleriya
atəşi nəticəsində
bir mülki şəxs həlak oldu.
Digər vacib bir məsələ isə o oldu ki, "gücü" tükənən qeyri-qanuni
silahlı birləşmələr
Qarabağın dinc erməni əhalisini məcburi qaydada silahlandıraraq döyüş
mövqelərinə cəlb
etməyə çalışdı.
Lakin Azərbaycan bölgədə yaşayan
erməni sakinlərinə
separatçılara yaxın
durmamağa və onlara dəstək olmamağa çağırış
etdi və hərbi qulluqçularımız
bu çağırışı
çap edilmiş məlumat vərəqələrində
müxtəlif vasitələrlə
yerli əhaliyə, eləcə də silahlılara çatdırdı.
Kriminal xuntanın qurbanı olan Qarabağdakı erməni
əhali isə Azərbaycanın şərtlərini,
tələblərini və
çağırışlarını qəbul etdilər.
Bu qələbə
Azərbaycan və Ermənistan arasında sülh müqaviləsinin
bağlanması istiqamətində
həyata keçirilən
prosesə, bölgədə
əmin-amanlığın bərqərar edilməsinə, təhlükəsizliyin
təmin olunmasına,
həmin ərazidə
yaşayan insanların
Azərbaycan cəmiyyətinə
reinteqrasiyasına, qanunlara
uyğun formada idarəçiliyin formalaşdırılmasına
və bütövlükdə
regionun inkişafı
ilə bağlı bütün tədbirlərin
həyata keçirilməsinə müsbət impuls verəcək.
Rəşad
BAXŞƏLİYEV,
Azərbaycan.-2023.-
21 sentyabr.- S.8.