"Dəmir
yumruğ"un ikinci zərbəsi
Terrorçu, separatçı, silah-sursat,
rüşvətxor və
korrupsioner senator, konqresmen və deputat daşınan yolun əbədi qapadılması
Xüsusi risk tələb edən işə başlamaq, adətən, çətin
və məsuliyyətli
olur!
Xüsusən də
dövlətin və xalqın taleyüklü məsələsiylə bağlı
işlərə!
Hər şeyi
dönə-dönə ölçüb-biçsən
də, bütün hazırlıqları irəlicədən
görüb hər bir vəziyyəti nəzərə alsan da, narahatlıq və nigarançılıq
hissi bir an belə səni
tərk etmir.
Birdən...
Birdən...
Ancaq bütün
hallarda tarixin sənin üzərinə
qoyduğu missiyanı
yerinə yetirməlisən!
Bütün dönüşlərə,
gözlənilməzliklərə, maneəyə və çətinliklərə hazır
olmalısan!
Yalnız uğur
və qələbəyə
köklənməlisən!
Zəfərdən başqa,
xalqın etimadını
doğrultmaqdan qeyri heç nə barədə düşünməməlisən!
Axı milyonların
ümidi, gümanı,
etibar edərək arxalandığı yalnız
sənsən!
Tanrının və
tarixin seçdiyi sərkərdə, rəhbər
və insan!
***
"Dəmir yumruğ"un
işə düşməsi
ilə bütün tərəddüd və nigarançılığa son
qoyuldu!
Qarşıda yeganə
hədəf, baş məqsəd dayanırdı:
Torpaqları işğaldan
azad etmək, hərbi əməliyyatları
mümkün qədər
tez başa çatdırmaq, mümkün
qədər az itki ilə daha
böyük əraziləri
işğaldan azad etmək!
Əslində, bu
vəzifələr mümkün
olmayanı gerçəyə
çevirmək vəzifəsi
idi!
Müzəffər Ali
Baş Komandanımız
İlham Əliyev bütün bunları bacardı!
Hünərlə, cəsarətlə,
qəhrəmanlıqla bacardı!
Yeni dövrün
möcüzələrini yaratmaqla
bacardı!
***
II Qarabağ müharibəsinin
ilk günlərindən
bəlli oldu ki, Azərbaycan hərbi əməliyyatlara
böyük diqqətlə,
məsuliyyətlə və
həm də hərtərəfli hazırlaşıb!
ÖN CƏBHƏDƏ:
* Yeni silahlar işlədilirdi!
* Yeni taktika və strategiya tətbiq edilirdi!
* Xüsusi
təyinatlıların xüsusi
təlimlərdən keçdiyi
ilk döyüşlərdən hiss olunurdu!
* Orduda
görünməmiş ruh
yüksəkliyi, şücaət
və qəhrəmanlıq
nümunələri müşahidə
edilirdi!
* Azərbaycan
Ordusu günbəgün
yox, saatbasaat irəliləyir, hər gün bir neçə
strateji mövqeyi və ya yaşayış
məntəqəsini işğaldan
azad edirdi!
ARXA
CƏBHƏDƏ İSƏ:
* Xalqın
indiyədək görünməmiş
həmrəyliyi və
milli birliyi yaranmışdı.
* Demək
olar ki, bütün müxalifət partiyaları
"müxalifətçiliyi" bir kənara qoyaraq dövləti dəstəklədiklərini bəyan
etdilər.
* Səfərbərlik
və Hərbi Xidmətə Çağırış
üzrə Dövlət
Xidmətinin rayon şöbələrinin
qarşısı gecə-gündüz
izdihamlı olurdu: minlərlə gənc və ehtiyatda olan hərbi mükəlləfiyyətli orduya
yazılaraq hərbi əməliyyatlarda iştirak
üçün növbə
gözləyirdi.
* Xalq
öz rəhbərini,
Ali Baş Komandanını dəstəklədiyini, qələbə
naminə hər şeyə hazır olduğunu bildirirdi.
* Arxa
eşelonda narazılıq
yaratmaqdan ötrü Gəncə, Tərtər,
Bərdə, Goranboy əraziləri ballistik raketlərlə vurulanda ziyan çəkmiş, əzizini itirmiş bütün insanlar qəzəb və nifrətlərini barbar düşmənə yönəltdilər.
"Dəmir yumruğ"a çevrilən bu birlik və yekdillik əsl zəfərə gətirdi.
Azərbaycan Ordusu 44
gün ərzində düşməni məhv edərək torpaqları işğalçılardan təmizlədi.
***
Azərbaycanın bu parlaq qələbəsi aydın səmada çaxan şimşək
effektini yaratdı!
Dostlar sevindi, düşmənlər isə
kor oldu!
Rusiya döyüşən
tərəfləri sülhə
gətirmək üçün
vasitəçi funksiyasını
üzərinə götürdü.
Müzəffər Ali Baş Komandan
İlham Əliyev ermənilərin
bütün havadarlarının
təsir və təzyiq cəhdlərinə
baxmayaraq, sonadək dediyinin üstündə durdu:
Düşmən qoşunlarının
ərazilərimizi tərketmə
qrafiki təqdim olunmayanadək hərbi əməliyyatları dayandırmadı!
Beləliklə, 2020-ci ilin
10 noyabrında Rusiya və Azərbaycan prezidentlərinin mavi ekran qarşısında, Ermənistanın baş nazirinin isə gizlində imzaladığı
üçtərəfli Bəyanat
meydana çıxdı.
Əslində, bu sənəd Ermənistanın
kapitulyasiya aktı idi.
Üçtərəfli Bəyanata
əsasən, Ermənistan
Ağdam, Laçın
və Kəlbəcər
rayonlarını bir güllə belə atmadan, dinməz-söyləməz
geri qaytardı!
Mühasirə vəziyyətinə
düşmüş 20 min nəfərlik
hərbi birləşmələrini
məhvedilmədən qorumaq
üçün!
Həmin bəyanatda
düşmənin öz
üzərinə götürdüyü
və sonradan yerinə yetirməkdən
müxtəlif bəhanələrlə
boyun qaçırdığı
(bu, N.Paşinyan
üçün adi iş norması və davranış qaydasıdır) iki bənd də vardı:
Azərbaycan ərazisindəki
Ermənistana məxsus
qoşunların və
qanunsuz hərbi birləşmələrin tam çıxarılması
və mühüm kommunikasiya vasitəsi olaraq, Zəngəzur dəhlizinin açılaraq
Azərbaycanın qərb
bölgəsi ilə Naxçıvan arasında
quru əlaqələrinin
yaradılması tələbi.
Razılaşmaya əsasən,
Rusiya 5 il müddətinə
Qarabağa sülhməramlı
kontingent yerləşdirərək
tərəflər arasında
mümkün qarşıdurma
və toqquşmanın
qarşısının alınmasını
öhdəsinə götürdü.
Beləliklə, İlham Əliyevin
yaratdığı separatizmə
qarşı mübarizə
modelinin ilkin mərhələsi başa
çatmış oldu!
***
Azərbaycan hərbi
əməliyyatları dayandırdıqdan
sonra ermənilər xislətlərinə, Ermənistanın
başçısı Paşinyan
isə xarakterinə uyğun hərəkət
etdi:
Üçtərəfli Bəyanatın
bəndlərini yerinə
yetirmədi, sülh müqaviləsinin imzalanmasını
müxtəlif bəhanələrlə
uzatmağa, özünə
yeni ağalar axtarmağa
başladı.
Bağlaşmada zəmanətçi
rolunu oynayan Rusiya isə bəyanatın xüsusən
4-cü və 9-cu bəndlərinin
icrasında heç bir təkid və israrlılıq göstərmədi, əksinə,
Ermənistanda yaranaraq
get-gedə qızışan
revanşist əhvali-ruhiyyəyə
göz yumdu.
"Əvvəlki qayda" deyəndə nəyi nəzərdə tuturuq?
Sovet dövründə
yorulmadan bəyan edildiyi kimi, SSRİ "qardaş xalqların sarsılmaz ittifaqı"ndan
yaranmışdı.
Hər bir müttəfiq respublikanın
öz ərazisi, himni, gerbi, bayrağı,
idarəetmə strukturları
olsa da, əsl söz sahibi "böyük qardaş"
adlandırılan Rusiya
sayılırdı.
Müttəfiq respublikalar
arasındakı sərhədlər
formal xarakter daşıyır,
nə qorunur, nə də orada sərhəd xidməti və gömrük postu fəaliyyət göstərirdi.
"Açıq qapı" idi.
Əsl sərhədlər
SSRİ-nin digər dövlətlərlə olan
ərazilərinin konturları
sayılırdı.
Ermənistanın Azərbaycanla
əlaqəsi, əsasən,
Gorus-Laçın yolundan
keçməklə Qarabağ
vasitəsilə baş
tuturdu.
Bura 1923-cü ildə süni şəkildə yaradılan
keçmiş DQMV ilə
əlaqələr də
daxil idi.
SSRİ-nin birinci və
sonuncu prezidenti, ermənipərəst M.Qorbaçov rəhbərliyə
gələndən və
separatçılıq hərəkatı
dirçələrək alovlanandan
sonra Laçın yolu, əslində, "şeytan yolu"na çevrildi.
* Əvvəlcə
buradan Qarabağın
"ermənilərin əzəli
torpağı" olduğunu
söyləyənlər keçdi.
* Sonra "saqqallı"lar gələrək
erməni əhalini meydanlara yığıb onlara "miatsum" söylətdilər.
* Sonra mərkəzi
hökumətin qərarı
ilə Xankəndidə
"xüsusi idarəetmə
komitəsi" yaradılaraq
"Dağlıq Qarabağ"
Azərbaycanın tərkibindən
çıxarıldı.
* Sonra burada yaşayan azərbaycanlılar
sıxışdırılmağa, döyülməyə və
təhqirlərə məruz
qalaraq zorla qovulmağa başlandılar.
* Sonra Ermənistandan
gələn yaraqlılar
müharibə ocağı
qaladılar.
* Ən nəhayət,
366-cı sovet polkunun köməyi ilə Xocalı soyqırımını
törədərək DQMV-ni və ona
bitişik 7 rayonu işğal etdilər.
30 illik işğal
dövründə Laçın
yolu ilə Azərbaycan ərazisinə
Azərbaycan xalqına
qarşı pisliklər,
fitnə-fəsad, xəyanət
və düşmənçilik
əməlləri daşındı.
* ATƏT-in Minsk
qrupu yeyib-içməyə,
boş-boşuna laqqırtı
vurmağa gəlib getdi.
* ABŞ-dən, Fransadan,
AŞPA-dan, Aİ-dən
satılmış, rüşvətlə
ələ alınmış,
korrupsiyalaşmış, beynəlxalq
hüququ deyil, erməni maraqlarını
güdən və müdafiə edən senatorlar, konqresmenlər, deputatlar təşrif buyurdular.
* Ərazimizə silah-sursat,
minalar, qanunsuz hərbi birləşmələr
gətirildi.
* Ermənistan və
dünya erməniliyi separatçı rejimi bu yoldan keçməklə
müdafiə etdi, qorudu, yaşatdı!
* Ən nəhayət,
23 iyul 2023-cü ildə
Azərbaycan silahlı
qüvvələri tərəfindən
çox unikal, cəsarətli, riskli və ağıllı bir əməliyyat keçirildi.
Əməliyyat zamanı
Laçın dəhlizinə
nəzarət tam şəkildə ələ
alındı, burada nəzarət-buraxılış məntəqəsi yaradıldı.
Beləliklə, Azərbaycanın
ərazi bütövlüyü
tam təmin olundu!
105 ildə ilk dəfə olaraq Azərbaycan öz sərhədlərini tam nəzarətə götürdü!
Erməni yana-yana,
qovrula-qovrula qaldı.
Əvvəlcə "humanitar fəlakət"
şousu düzəltdilər!
Xeyri olmadı!
Sonra İrəvandan
20 TIR yardım gətirdilər
və yalnız Laçın yolu ilə Xankəndiyə çatdıracaqlarını bəyan
etdilər!
Yenə xeyri olmadı!
Sonra "böyük
bacı" işə
qarışdı, Paris meri
8 TIR yardım gətirdi.
Qapı ağzında
qaldı.
Müzəffər Ali
Baş Komandan İlham Əliyev dediyini yeritdi və sonadək üstündə dayandı:
Xankəndiyə yardım
yalnız Yevlax-Ağdam
yolu ilə gətirilə bilər!
Doyunca günün
altında oturaraq
"günəş vannası"
qəbul etdikdən sonra yardım daşıyanlar kor-peşman
İrəvana qayıtdılar.
Necə deyərlər,
tökə-tökə gəlib,
yığa-yığa getdilər!
Azərbaycan isə
44 günlük Zəfər
müharibəsindən sonra
ərazi bütövlüyünü
bərpa etməklə
daha bir qələbəyə imza
atdı!
***
Ermənilər həmişə
özlərini "soyqırımı
qurbanları" kimi göstərməyi seviblər.
Hətta saxta
"soyqırımı günlərini"
də müəyyən
ediblər - 24 aprel
1915-ci il!
Bununla özlərini
"məzlum", "yazıq",
"zavallı" millət
kimi göstərməyə,
əslində isə həqiqi simalarını
- vəhşi, barbar, dağıdıcı, xəyanətkar,
dost söylədiklərinə
arxadan bıçaq saplamaq xislətlərini
"fağırlıq" maskası altında gizlətməyə çalışıblar.
Dəfələrlə Türkiyə tərəfindən
açıq şəkildə
ucadan bəyan edilsə də, arxivlərini kimsənin üzünə açmayıblar,
"soyqırımı"nı "sübut edən" sənədləri, "tarixi
faktları" üzə
çıxararaq kimsəyə
göstərməyiblər.
Olmayan şeyləri
necə üzə çıxarıb ictimaiyyətə
təqdim edə bilərlər ki...
Əvəzində "soyqırımı abidəsi"
yaradaraq İrəvana
gələn dostlarına
oranı ziyarət etdirirlər.
Hər il aprelin 24-də isə ermənilər "soyqırımı"
günlərini qeyd edirlər.
Özlərini "qurban"
adlandıraraq Azərbaycanda
törətdikləri Xocalı,
Qaradağlı, Başlıbel,
Bağanis Ayrım və digər soyqırımlarını unutdurmaq
istəyirlər.
Bir-birinin ardınca
işğaldan azad edilmiş Qarabağ torpaqlarında aşkara çıxarılan kütləvi
məzarlıqlar isə
onların əsl simalarının konkret faktlarla ifşasına çevrilir.
23 aprel 2023-cü ildə
keçirilən və
ermənilərin Qarabağa
sərbəst gediş-gəlişinə
birdəfəlik son nöqtəni qoyan yüksəksəviyyəli uğurlu
əməliyyatımız isə
ermənilərin 24 aprel
"bayramı"na ən
dəyərli "hədiyyəmiz"
oldu!
İlham Əliyev
"dəmir yumruğ"un
ikinci zərbəsi ilə Azərbaycanın ərazi bütövlüyünü
bərpa etdi!
Bəxtiyar
SADIQOV
Azərbaycan.-2024.-
23 aprel, № 81.- S.7.