Avropaya
marionet rejimlər lazımdır
Azərbaycanın
tam müstəqil siyasət yürütməsi
Qərbin bəzi dairələrini narahat edir
"Avropa Parlamentinin
qərəzli mövqeyi,
sözsüz ki, Avropadakı anti-Azərbaycan
meyillərinin olmasının
göstəricisidir. Bunun
səbəbləri aydındır".
Bu sözləri
Milli Məclisin deputatı Elşad Mirbəşiroğlu "Azərbaycan"
qəzetinə açıqlamasında
deyib. Deputat bildirib ki, Azərbaycan
Cənubi Qafqaz regionunda münaqişə
vəziyyətini aradan
qaldırmaqla Qərbin
regiondakı maraqlarına
çox ciddi zərbə vurub. Çünki onlar bu regionda münaqişə
amilindən istifadə
edərək öz təsir imkanlarını saxlamaq istəyirdilər. Azərbaycan buna imkan vermədi və Cənubi Qafqazda sülh gündəliyini öz iradəsi, gücü ilə irəli aparmaqdadır. Bu isə Qərbin maraqlarına cavab vermir. Ona görə
də bu gündəliyin qarşısını
almaq üçün
köhnə qitənin
bəzi dairələri
əllərindən gələni
edir.
Deputat qeyd edib ki, Qərb
platformalarında Azərbaycan-Ermənistan
münasibətlərinin normallaşdırılması
istiqamətində vasitəçilik
etmək cəhdləri,
əslində, sülh
gündəliyinin dayandırılmasına
xidmət edir. Sadəcə olaraq, onlar bu cür
strategiyanı seçiblər.
Vaxtilə başladılmış
prosesi Avropa platformaları dayandırmağa
müvəffəq oldu.
Ermənistan üzərinə
götürdüyü öhdəlikləri
yerinə yetirmədi.
Bu ölkə 2020-ci ilin noyabrında imzalanmış üçtərəfli
Bəyanatdan və ondan sonrakı sənəddən irəli
gələn şərtləri
kənara qoydu. "Artıq deyə bilərik ki, Ermənistanı bu şərtləri yerinə
yetirməkdən qoruyan
həm də Avropa oldu. Avropa
öz platforması üzərindən bu istiqamətdə müzakirələr
başlatdı, mahiyyət
etibarilə regionda sülhü və təhlükəsizliyi təmin
edəcək heç
bir nəticə hasil olmadı. Əksinə, Avropa Ermənistan ərazisinə
öz missiyasını
göndərdi. Göründüyü
kimi, Avropa Azərbaycan-Ermənistan münasibətlərinin
normallaşdırılması məsələsini özünün
geosiyasi maraqları üçün istifadə
etməkdədir", - deyə
o əlavə edib.
Azərbaycanın müstəqil
siyasətinin Qərbi
narahat etdiyini vurğulayan E.Mirbəşiroğlu
bildirib ki, Avropaya marionet rejimlər lazımdır.
Belə rejim Ermənistanda mövcud olduğuna görə Avropa İttifaqı ona hər cür
dəstək verdiyini nümayiş etdirir. Hətta Avropa İttifaqının Ermənistandakı
səfiri bildirir ki, Ermənistanla Aİ dəyərləri üst-üstə
düşür. Ona görə də Ermənistan artıq Avropa İttifaqı ailəsinə aid hesab oluna bilər.
Çünki Ermənistan
bir alətdir və Qərb ondan istifadə edir. Sual oluna
bilər ki, Avropa İttifaqının
hansı dəyərləri
Ermənistan dəyərləri
ilə üst-üstə
düşür?
Deputat qeyd edib ki, bu
sualın cavabı aydındır: "Ermənistanın
işğalçılıq, təcavüzkarlıq, terrorçu
təfəkkürü ilə
Avropa İttifaqının
baxışları oxşarlıq
təşkil edir. Bunu da gizlətmədən
söyləyirlər. Yeri
gəlmişkən, qeyd
edim ki, bu gün Berlində
olmayan "Artsaxın
mədəni irsi"
adlı kitabın təqdimatı keçiriləcək.
Hesab edirəm ki, bu, Avropanın
anti-Azərbaycan mövqeyinin
davamı kimi qiymətləndirilməlidir. Çünki
kitabın təqdimatını
həyata keçirən
Almaniya xarici siyasət birliyi Corc Soros Fondunun
Açıq Cəmiyyət
İnstitutu tərəfindən
maliyyələşdirilir və
digər təşkilat
da Adenaur fondudur".
E.Mirbəşiroğlu bildirib ki, bəzi
platformalarda birtərəfli
qaydada müzakirələrin
aparılması, qərəzli
mövqelərin sərgilənməsi
Avropanın ölkəmizə
qarşı məkrli
siyasətinin davamıdır.
Bunu heç bir halda yalnız
tədbiri təşkil
edən təşkilatların
mövqeyi kimi qəbul etmək doğru olmaz. Çünki Ermənistandakı
rejim Soros Fondu tərəfindən yaradılıb. Bu o deməkdir ki, bu, mütəşəkkil
anti-Azərbaycan hərəkatıdır
və Avropa Ermənistandan geosiyasi mübarizəsinin ruporu kimi istifadə etmək müqabilində onu dəstəkləməkdədir.
Bu da bütövlükdə
region üçün
çox ciddi təhlükələrdən xəbər
verir.
Əsmər QARDAŞXANOVA,
Azərbaycan.-2024.-
6 mart, № 51.- S.6.