Yeni
nəsil xalqımızı
yüksək nailiyyətləri
ilə sevindirəcək
Yüksək fiziki
hazırlıqlı, sağlam
düşüncəli yeni
nəslin formalaşdırılmasını
daim diqqət mərkəzində saxlayan
Ümummilli Lider Heydər Əliyev gənclərin dövlətin
və cəmiyyətin
sosial-iqtisadi, ictimai-siyasi
və mədəni həyatında yaxından
iştirakının təmin
olunmasını vacib məsələ hesab edərək demişdir:
"Hər bir Azərbaycan gənci hər şeydən çox, hər şeydən artıq müstəqil Azərbaycanın
bu günü, gələcəyi haqqında
düşünməlidir".
Göründüyü kimi, Ulu Öndər
ilk növbədə gənclərin vətənpərvər
ruhda tərbiyə olunmasını mühüm
vəzifə hesab edirdi. Çünki vətənpərvər ruhda
böyüyən gənclərimiz
xalqımızı yeni
zəfərləri ilə
sevindirəcəkdi. Ölkə
gənclərinə dövlətin
diqqət və qayğısının daha
da artırılması
məqsədilə 1996-cı ildə
Azərbaycan gənclərinin
ilk forumu keçirildi. 1997-ci ildə
fevralın 2-si Azərbaycan
Gəncləri Günü
elan edildi. 1999-cu ildə isə Ümummilli Lider "Dövlət gənclər
siyasəti haqqında"
fərman imzaladı. Beləcə, bu sahədə dövlət
siyasətinin həyata
keçirilməsi məqsədilə
zəruri qanunvericilik bazası formalaşdırıldı.
Görülən bütün
bu mühüm işlərə, atılan
uğurlu addımlara əsaslanıb deyə bilərik ki, ölkəmizdə gənclər
siyasətinin əsası
Ulu Öndər Heydər Əliyev tərəfindən qoyulmuşdur.
Ümummilli Lider
Heydər Əliyevin böyük uzaqgörənliklə
formalaşdırdığı gənclər siyasəti bu gün uğurla
davam etdirilir. Azərbaycan Prezidenti İlham Əliyevin həyata keçirdiyi dövlət siyasəti nəticəsində gənclərimiz
cəmiyyətin inkişafında
fəal sosial təbəqəyə çevrilib.
Əminliklə demək
olar ki, gənc nəslin cəmiyyətdə gedən
quruculuq proseslərində
iştirakının yüksək
səviyyədə təmin
olunması istiqamətində
reallaşdırılan bütün
tədbirlər Azərbaycan
gəncliyini daha da böyük uğurlara qovuşduracaq. Buna görə də gənclərimiz həyata keçirilən
bütün islahatlarda
böyük həvəslə
iştirak edirlər.
Gənclərimizin vətənpərvərlik
ruhunda tərbiyə olunması bu gün cəmiyyətimizin
qarşısında dayanan
mühüm vəzifələrdən
biridir. Azərbaycan Prezidenti İlham Əliyev 14 fevral
2024-cü ildə Milli
Məclisdə andiçmə
mərasimində çıxışı
zamanı bu vacib sahəyə toxunaraq demişdir:
"...Əsas vəzifə
gənc nəslin vətənpərvərlik ruhunda,
milli ənənələr
ruhunda tərbiyə olunmasıdır. Bu məsələyə çox
ciddi yanaşmalıyıq
və mən bunu əsas vəzifələrdən biri
kimi qarşıya qoyuram. Gənc nəslin tərbiyə edilməsi bizim gələcəyimizin təmin
edilməsi deməkdir.
Biz elə bir gənc nəsil
yetişdirməliyik ki,
onlar da daim bizim kimi
milli ənənələrə,
milli-mənəvi dəyərlərə
sadiq olsunlar, onların beyinləri saf olsun. Heç
kim onların beyinlərini zəhərləmək
istəyəndə uğura
nail olmasın və burada, əlbəttə ki, ilk növbədə ailə tərbiyəsi ön plana çıxır.
Xoşbəxtlikdən Azərbaycan
ailəsi sağlam ailədir, ənənələr,
milli dəyərlər
üzərində qurulan
ailədir. Ailə tərbiyəsi hər bir gənc üçün,
hər bir uşaq üçün əsas tərbiyədir. İkinci yerdə məktəb tərbiyəsidir
və belə müzəffər gənclərimizin
yetişdirilməsində də
Azərbaycan məktəbinin
çox böyük rolu vardır. Məktəblərdə uşaqlara
aşılanan dəyərlər,
müstəqilliklə bağlı,
milli ləyaqətlə
bağlı, əsrlərboyu
bizə qarşı edilən ədalətsizliklə,
- təkcə son 30 il ərzində yox, - torpaqlarımızın
müxtəlif dövrlərdə
əlimizdən alınması
ilə bağlı və bizim qəhrəmanlıq
tariximizlə bağlı
uşaqlara verilən tərbiyə və biliklər çox böyük önəm daşıyır. Bütövlükdə
milli-mənəvi dəyərlərə
gəldikdə, bu, bizim cəmiyyətimizin əsasıdır və bu, sarsılmaz varlıqdır, sarsılmaz
dəyərdir və bunu sarsılmaz etmək bizim əlimizdədir".
Daim dövlətimizin
diqqət və qayğısı ilə əhatə olunan ölkə gənclərinin
vətənpərvərliyini, vətəninə və dövlətinə sıx
surətlə bağlılığını,
qəhrəmanlığını İkinci Qarabağ müharibəsində xalqımız
aydın şəkildə
gördü. 2020-ci il
sentyabrın 27-də erməni
təxribatı nəticəsində
başlayan və 44 gün davam edən Vətən müharibəsində gənclərimiz
Müzəffər Ali
Baş Komandanın əmri ilə döyüşlərdə böyük
igidlik və qəhrəmanlıq göstərərək
torpaqlarımızı işğaldan
azad etdilər, cəsarətləri ilə
düşməni diz çökdürdülər. Qazandıqları
zəfərləri ilə
30 illik həsrətə
son qoydular. Xalqımız gənclərimizin
44 gün davam edən Vətən müharibəsində göstərdiyi
qəhrəmanlığı, igidliyi heç vaxt yaddan çıxarmayacaq.
Gənclərin 44 günlük
Vətən müharibəsində
göstərdiyi hünər
və rəşadətdən
söz açan Azərbaycan Prezidenti, Müzəffər Ali Baş Komandan İlham Əliyev demişdir: "Mən çox şadam ki, son illər
ərzində Azərbaycanda
vətənpərvər, güclü,
milli ruhda tərbiyə almış
gənc nəsil yetişib. Bu illər ərzində yetişən insanlar bu torpaqları azad etdilər. Bütün nəsillərdən
olan vətəndaşlarımızın
bu Qələbədə
böyük zəhməti
var, payı var. Ancaq onu
da bildirməliyəm ki, əsas yükü,
əsas vəzifəni
gənc nəsil yerinə yetirdi. 2003-cü
ildə 10 yaşı,
15 yaşı olanların
bu gün 27-32 yaşı var. Onların məhz vətənpərvərlik ruhunda
tərbiyə alması,
düşmənə nifrət
hissi bizi Qələbəyə apardı
və Azərbaycan tarixi ədaləti bərpa etdi".
Bu gün ölkəmizdə gənclər
siyasəti mahiyyət
və keyfiyyətcə
yeni mərhələyə
qədəm qoyur. Gənclərin mənəvi
və fiziki inkişafı, vətənpərvərlik
tərbiyəsi, xarici
ölkələrdə təhsil
alması, sosial müdafiəyə ehtiyacı
olanların problemlərinin
həlli istiqamətində
görülən işlər,
gənclər təşkilatlarının
formalaşması, inkişafı
üçün yaradılan
şərait və imkan bu sahəyə
dövlətin böyük
diqqətinin müsbət
göstəricisidir. Gənclər
hər bir ölkənin gələcəyidir.
Dövlətimiz gənclərə
daim qayğı göstərir, onlara öz potensiallarından səmərəli istifadə
etmələri üçün
yüksək səviyyədə
şərait yaradır.
Gənclərin inkişafı
üçün yaradılmış
əlverişli şərait
sabahkı uğurlarımızdan
xəbər verir. Gənclərimiz də yaradılmış bu şəraitdən istifadə
edərək ictimai həyatımızın müxtəlif
sahələrində böyük
uğurlar qazanırlar.
İnanırıq ki,
əvvəlki illər
kimi, 2024-cü il də gənclərimiz üçün kifayət
qədər məhsuldar
və uğurlu olacaq.
Vahid
MƏHƏRRƏMOV,
Azərbaycan.-2024.- 6 mart, № 51.- S.11.