Sənaye
parkları flaqmanının
12 yaşı tamam oldu
SKSP-nin davamçıları
işğaldan azad edilmiş əraziləri seçirlər
Hazırda dünya
iqtisadiyyatında sənaye
parkları istehsal və xidmət sahəsində önəmli
rol oynayır. Səbəb bu sahədə fəaliyyət
göstərən sahibkarlara
bir çox güzəştlərin edilməsidir.
Başqa sözlə desək, investorlar yatırdıqları sərmayənin
əvəzində tez
bir zamanda gəlir əldə etmək istədiklərindən
onların sənaye parklarına böyük maraqları var.
Azərbaycanda da
qeyri-neft sektorunun inkişafı istiqamətində
atılan mühüm
addımlardan biri sənaye parklarının
yaradılmasıdır. Və
təbii ki, ölkəmizdə də bu sahəyə investisiya qoyan sahibkarlara bir çox güzəştlər
olunur. Buna görə ötən qısa müddətdə
7 sənaye parkı, 5
sənaye məhəlləsi
yaradılıb.
Ötən dövr
ərzində sənaye
zonalarında ümumilikdə
10,23 milyard manatlıq
məhsul istehsal olunub ki, bunun
da 3,35 milyard manatlığı ixraca yönəldilib. 2023-cü ilin
birinci yarısında
sənaye zonalarının
ölkə sənayesinin
qeyri-neft sektorunda xüsusi çəkisi
16,5, qeyri-neft sənaye
məhsullarının ixracında
isə 20,7 faiz olub. Sənaye zonalarında istehsal edilən məhsullar dünyanın 50-dən çox
ölkəsinə ixrac
edilib. Bu statistik rəqəmlər
onu göstərir ki, ölkənin sənayeləşməsində və qeyri-neft sənayesinin inkişafında
uğurlar az deyil. Prezident İlham Əliyevin apardığı real iqtisadi islahatlar isə ondan xəbər verir ki, bu uğurlar
davamlı olacaq və Azərbaycan yaxın gələcəkdə
qarşısına qoyduğu
məqsədə çatacaq.
Keçən ilin
sonunda ölkəmizdə
ilk yaradılan Sumqayıt Kimya Sənaye Parkının
(SKSP) fəaliyyətə başlamasının
12 ili tamam oldu. Bu sənaye
parkı istehsal həcminə və məhsul satışına
görə liderdir. Xatırladaq ki, Sumqayıt Kimya Sənaye Parkı Prezident İlham Əliyevin 2011-ci il 21 dekabr tarixli fərmanı ilə yaradılıb. Məqsəd
ölkədə innovativ
və yüksək texnologiyalar əsasında
rəqabətqabiliyyətli sənaye istehsalının
inkişafı üçün
münbit şərait
yaratmaq, bu sahədə sahibkarlığı
dəstəkləmək, qeyri-neft
sektorunun davamlı inkişafını təmin
etmək və əhalinin istehsal sahəsində məşğulluğunu
artırmaq olub.
Sənaye Parkı
yaradılarkən 168 hektara
yaxın ərazini əhatə edirdi. Hazırda isə parkın ərazisi 583,5 hektardır. İndiyədək
sənaye parkına rezidentlər tərəfindən
5,4 milyard manatdan çox investisiya yatırılıb, burada
6600-dən çox insan
daimi işlə təmin olunub. Parkın rezidentləri tərəfindən ümumilikdə
9,5 milyard manatlıq satış həyata keçirilib ki, onun da 3,3 milyard
manatlıqdan çox
hissəsi - təqribən
34,7 faizi ixracın payına düşür.
Parkda istehsal olunan məhsullar dünyanın 60-dan çox
ölkəsinə ixrac
edilir.
Məlumdur ki, dövlət ölkənin
hərtərəfli inkişafı
və bölgələrdə
yaşayan əhalinin işlə təmin olunmasına xüsusi əhəmiyyət verir. Mingəçevir Sənaye
Parkının və
5 sənaye məhəlləsinin
regionlarda yaradılması
buna əyani sübutdur. Bölgələrdə
yaradılan müəssisələrin
müəyyən hissəsində
yerli xammaldan istifadə olunması isə digər sahələrin inkişafını
da təmin edir.
44 günlük müharibədə
tarixi zəfərdən
sonra işğaldan azad olunan ərazilərin
potensialından istifadə
etmək imkanı yaranmışdır. Bu, həm də doğma yurdlarına qayıdan insanların məşğulluğunun təmin
edilməsi deməkdir.
Həmin məqsədlə
Ağdam Sənaye Parkından sonra "Araz Vadisi İqtisadi
Zonası" Sənaye
Parkı da yaradılmışdır. Cari
il burada yeni müəssisələrin
fəaliyyətə başlaması
planlaşdırlır. Sənaye
parkında 2024-cü ildə
fəaliyyətə başlayacaq
2 müəssisəyə ümumilikdə
11 milyon manatdan çox investisiya yatırılacaq. Müəssisələr
fəaliyyətə başlayandan
sonra onlarda 150-dək iş yerinin açılması nəzərdə
tutulur.
Oktyabrda fəaliyyətə
başlaması planlaşdırılan
"İmprotex Qarabağ
Sənaye Kompleksi"
MMC parkın 5 hektar ərazisində minatəmizləyən,
xüsusi təyinatlı
texnika və metal məmulatların istehsalını həyata
keçirəcək. Artıq
müəssisənin qurulması
istiqamətində işlərə
başlanıb. Hazırda
ərazidə planlama,
qazma işləri görülür. İnvestisiya
həcmi 7,4 milyon manat olan müəssisədə
124 nəfərin işlə
təmin edilməsi gözlənilir. Onların
istehsal etdikləri texnikalar işğaldan azad olunmuş ərazilərdə istifadə
edilməklə yanaşı,
ixracı da həyata keçiriləcək.
Bu il sənaye parkının ərazisində "Holcim
Azerbaijan" ASC tərəfindən
birinci mərhələdə
həcmi 2 min ton olan sement
terminalının istifadəyə
verilməsi də planlaşdırılır. İkinci
mərhələdə isə
şirkət tərəfindən
əmtəə beton və quru yapışdırıcı
istehsalını həyata
keçirəcək zavod
inşa ediləcək.
İnvestisiya dəyəri
3,4 milyon manat olan müəssisədə
20-dən çox insan
daimi işlə təmin olunacaq. İstehsal ediləcək məhsulların daxili bazarda satışı həyata keçiriləcək.
Sənaye Parkında
ilk dəfə olaraq "Holcim Azerbaijan" ASC tərəfindən
geobrick kərpiclərdən
istifadəyə başlanılıb.
Hazırda şirkət
tərəfindən inzibati
binanın tikintisində
bu kərpiclərdən
istifadə edilir. Növbəti mərhələdə
sözügedən kərpiclərdən
işğaldan azad edilmiş ərazilərdə
aparılan yenidənqurma
işlərində geniş
istifadə olunması
nəzərdə tutulur.
Rüstəm
KAMAL,
Azərbaycan.-2024.- 9 yanvar, № 2.- S.5.