"AŞPA-nın ölkəmizə
qarşı qərəzini
və haqsızlığını
görən Azərbaycan
nümayəndə heyəti
bu qurumda fəaliyyətini qeyri-müəyyən
müddətə dayandırdı. Burada yaranan ilk sual
odur ki, AŞPA-nın fəaliyyətinin əsasları insan haqları, demokratiya və qanunun alililiyi çərçivəsində
qurulmalı olduğu halda niyə bu təməl prinsiplər tapdalanır?!
Deməli, AŞPA-nın
təməl prinsipləri,
sadəcə, onlar üçün ölkələrdə
sabitliyi pozmaq və gərginlik yaratmaq məqsədilə
istifadə edilən alətdir".
Bu fikirləri
"Azərbaycan" qəzetinə
açıqlamasında Milli
Məclisin deputatı
Azər Badamov deyib. Deputat bildirib ki, AŞPA özünün təməl
prinsiplərindən uzaq
olan və yalnız bir-iki dövlətin maraqlarına
xidmət edən beynəlxalq qurumdur. Ölkəmizə qarşı
sərgilənən bu
qərəzin kökündə
Fransanın Azərbaycanı
gözü götürməzliyi
dayanır. Yəni qurumun ədalətsiz davranışlarının hər
birinin məhz Fransadan qaynaqlandığını
hesab edir.
Deputat xatırladıb
ki, bir müddət
əvvəl Fransa Senatı da əleyhimizə qətnamə
qəbul etmişdi:
"Azərbaycan Fransanın
bütün anti-Azərbaycan
addımlarını haqlı
olaraq cavablandırır
və dünya ictimaiyyəti qarşısında
onun ləkəli tarixini açıq şəkildə ifşa edir. Azərbaycan haqq yolundadır və atdığı bütün addımlar beynəlxalq hüquqa əsaslanır. Azərbaycana
qarşı öz parlamentlərində qəbul
etdikləri qərarların
heç bir gücünün olmadığını,
ölkəmiz üçün
həmin qərarların
kağız parçalarından
başqa bir əhəmiyyət kəsb
etmədiyini görən
Fransa düşmənçiliyini
daha geniş miqyasda davam etdirir".
Azər Badamov qeyd edib ki,
Paris bu məsələdə
almaniyalı deputatın
əli ilə
AŞPA-da Azərbaycan
nümayəndə heyətinin
etimadnaməsinin təsdiq
edilməməsi təşəbbüsü
ilə gündəmə
gəldi: "Bu həm də onu göstərir ki, vaxtilə Avropa İttifaqında söz
sahibi olan və ağsaqqallıq edən Almaniya indi Fransanın əlaltısına çevrilib.
Almaniya bu gün Makronun rəhbərlik etdiyi Fransanın göstərişi
ilə oturub-durur. Ona görə də Makron Fransası bu dəfə də ölkəmizə qarşı
qərəzini özünün
oyuncağına çevirdiyi
Almaniya vasitəsilə
ortaya çıxardı.
Burada növbəti sual yaranır ki, niyə AŞPA Almaniya və Fransanın anti-Azərbaycan
və islamofob hərəkətinə qoşulur?
Bu da təsadüfi
deyil, çünki Avropa Şurasına üzv olan ölkələrin
dini mənsubiyyətinə
baxsaq, görərik ki, 46 ölkədən yalnız Türkiyə və Azərbaycan müsəlmanların üstünlük
təşkil etdiyi ölkələrdir. Ona görə də AŞPA bu gün Azərbaycanla
bağlı həyata
keçirdiyi düşmənçilik
siyasətini Türkiyəyə
qarşı da kəskin şəkildə
aparır".
Deputatın sözlərinə
görə, Azərbaycan
və Türkiyə dünya nizamında baş verən ədalətsizliklərə və
beynəlxalq hüququn
tapdalanmasına qarşı
çıxır. Bu səbəbdən də AŞPA-da
ölkəmiz əleyhinə
qərar qəbul ediləndə həm də xristian təəssübkeşliyi nümayiş
olunur. Azərbaycan nümayəndə heyəti
də bu məsələni qabaqcadan
bildiyinə görə
ölkəmizlə bağlı
qərar verilməzdən
öncə assambleyanı
tərk etdi.
Azər Badamov həmçinin onu da bildirib ki,
AŞPA-nın fəaliyyəti
şəffaf deyil və ədalətə söykənmir: "Azərbaycan
torpaqları 30 il erməni işğalı
altında qalanda, 1 milyondan çox azərbaycanlının təməl
hüquqları pozularaq
qaçqın və məcburi köçkün
həyatı yaşamağa
məcbur olanda, Ermənistan bütün mədəni irsimizi, tariximizi və dini abidələrimizi məhv edərək vandallıq nümayiş etdirəndə AŞPA niyə
susurdu? Axı Azərbaycan nümayəndə
heyəti bu məsələləri AŞPA-da dəfələrlə qaldırmış və Ermənistanın işğalçılıq
siyasətinə son qoyulması üçün
kömək istəmişdi.
Halbuki Azərbaycan
2001-ci ildə bu təşkilata üzv olanda erməni işğalının ədalətli
həll olunacağına
böyük ümidlər
bəsləmişdi. AŞPA öz statusundan istifadə edərək pozulmuş beynəlxalq hüququ bərpa etmək üçün Ermənistana təzyiq göstərmək imkanına
malik idi, amma bunu etmədi".
Deputatın dediyinə
görə, bir sıra Qərb dövlətləri, qurumlar,
eləcə də
AŞPA Azərbaycanın ard-arda
qələbə çalmasını
həzm edə bilmir. Qərbin bütün qərəzi də bundan qaynaqlanır. "Ümumiyyətlə,
artıq AŞPA Azərbaycana
lazım deyil. Bu qurum ölkəmizə
qarşı ciddi qərəz nümayiş
etdirir və bizə təzyiq göstərməyə çalışırlar.
Ümumiyyətlə, AŞPA münaqişələrin həll
olunmasında heç
vaxt öz imkanlarından istifadə etməyib. Əksinə, demokratiya və insan haqları adı altında müxtəlif ölkələrdə
sabitliyi pozmağa və ictimai-siyasi mühiti gərginləşdirməyə
çalışıb. Bütün
bunları nəzərə
alaraq nümayəndə
heyətimizin AŞPA-da
fəaliyyətini qeyri-müəyyən
müddətə dayandırmasını
ən düzgün qərar hesab edirəm", - deyə deputat söyləyib.
Azər Badamov yekunda qeyd edib
ki, AŞPA-nın qərəzli qərarları
ilk növbədə elə öz nüfuzuna böyük zərbədir. Bu qurum belə qərarlar qəbul etməklə sivil və dünyəvi prinsiplərdən uzaq olduğunu, xüsusilə
Cənubi Qafqazda sülh və sabitlik mühitinə qarşı çıxdığını
nümayiş etdirir. Bu, AŞPA-nın gələcək fəaliyyətini
də şübhə
altına alır.
Nəzrin QAFARZADƏ,
Azərbaycan.-2024.-
26 yanvar, № 16.- S.8.