Qalib xalq möhtəşəm
gələcəyə səs
verəcək
"Fevralın 7-də keçiriləcək növbədənkənar
prezident seçkiləri
mühüm əhəmiyyət
kəsb edir. Əsas məqam odur ki, bu
seçkilər müstəqil
ölkəmizdə, suverenliyi
tam bərpa edilmiş Azərbaycanın
bütün ərazilərində
keçiriləcək".
Bu sözləri
"Azərbaycan" qəzetinə
açıqlamasında Milli
Məclisin deputatı
Arzu Nağıyev deyib. O bildirib ki, Mərkəzi Seçki Komissiyasının
məlumatına görə,
işğaldan azad olunmuş ərazilərdə
artıq seçki məntəqələri tam
şəkildə fəaliyyətə
hazırdır. Azərbaycanın
istənilən bölgəsində,
eyni zamanda xaricdəki səfirliklərimizdə
işləyən, həmin
ölkələrdə çalışan
vətəndaşların da
seçkidə iştirak
etməsi üçün
bütün lazımi
şərait yaradılıb.
Deputat vurğulayıb
ki, bu prezident
seçkiləri tək
Azərbaycan üçün
deyil, həmçinin
Cənubi Qafqaz, bütün dünya üçün mühüm
əhəmiyyət kəsb
edir: "Bu gün geosiyasi vəziyyət elədir ki, məhz seçkilərin
keçirilməsi bütün
daxili və xarici siyasətə təsir edə biləcək amil kimi qiymətləndirilir. Başlıca məsələ
odur ki, bütün namizədlərə
eyni şərait yaradılıb - istər kütləvi informasiya vasitələrində özlərinin
təbliğatı, proqramlarının
ortaya qoyulması, istərsə də seçicilərlə görüşlərinin
keçirilməsi. Ən
ucqar məntəqələrdə
belə bu, mümkündür. Həm
namizədləri təmsil
edən şəxslərin,
həm də onların nümayəndələrinin
görüşlərinin keçirilməsi
üçün tam şərait yaradılıb".
A.Nağıyev qeyd
edib ki, fevralın 7-də Azərbaycan
xalqı, seçki hüququ olan hər bir vətəndaş
öz sözünü
deyəcək. Hər
kəs gələcək
perspektivlər naminə
öz səsini verəcək. Dünyada seçib, seçilmək
kimi çox mühüm bir məfhum var. Hər bir Azərbaycan
vətəndaşı fəxarətlə
öz səsini verməli, eyni zamanda öz fikrini bildirməlidir. Bundan başqa, fiziki məhdudiyyətli şəxslərin seçkilərdə
iştirakı ilə
bağlı da müvafiq addımlar atılıb və onlar da öz
hüquqlarından rahatlıqla
istifadə edə biləcəklər.
Bu gün Avropada, Qərbin digər dövlətlərində
Azərbaycana həddən
artıq marağın
olduğunu vurğulayan
deputat bildirib ki, seçkilərdə digər ölkələrdən
çoxsaylı müşahidəçilər
iştirak edəcəklər.
"Seçkilərdə yaxın
qonşularımızdan tutmuş,
dünyanın hər
yerindən olan nümayəndələr və
beynəlxalq strukturları
təmsil edən müşahidəçilər yer alacaqlar. Bu baxımdan da 2024-cü il seçkiləri mühüm
əhəmiyyət kəsb
edir".
Deputat sonda qeyd edib ki,
qalib dövlətin seçkiləri də qalib xalqa layiq
keçiriləcək.
Əsmər QARDAŞXANOVA,
Azərbaycan.-2024.-
28 yanvar, № 18.- S.7.