Konstitusiya Məhkəməsində
Paris şəhər prokurorunun müavini xanım Fransuaz Giyo ilə görüş
olmuşdur
Aprelin 7-də Konstitusiya Məhkəməsində
Bakıda səfərdə
olan
Konstitusiya Məhkəməsinin sədri
Fərhad Abdullayev respublikamızda digər sahələrdə olduğu
kimi, məhkəmə-hüquq
sistemində də məqsədyönlü islahatlar
aparıldığını bildirmişdir. 1998-ci ildə
yaradılmış Konstitusiya
Məhkəməsinin fəaliyyəti
haqqında qonağa ətraflı məlumat verilmişdir. Bildirilmişdir ki, Azərbaycanda məhkəmə və hüquq sahəsində hazırlanan qanunların beynəlxalq standartlara cavab verməsi, bu zaman müasir
hüququn inkişaf meyillərinin nəzərə
alınması diqqət
mərkəzində saxlanır.
F.Abdullayev Konstitusiya Məhkəməsinin
beynəlxalq əlaqələrinin
qurulmasına xüsusi
diqqət yetirildiyini, digər ölkələrlə
yanaşı, Fransanın
da bu sahədə
təcrübəsinin nəzərə
alındığını vurğulamışdır. Konstitusiya
Məhkəməsinin 2007-ci ilin sentyabrında tam heyətlə Almaniya Federativ Respublikasına işgüzar səfərini
xatırladan sədr demişdir ki, səfər zamanı bu ölkənin, habelə digər Avropa ölkələrinin
müvafiq təcrübəsinin
öyrənilməsinə xüsusi
önəm verilmişdir.
Azərbaycan Konstitusiya Məhkəməsinin
Ümumi Konstitusiya Məhkəmələri Avropa
Konfransının üzvü
olduğu, həmin təşkilat çərçivəsində
qarşılıqlı təcrübə
mübadiləsinin təşkili,
ikitərəfli və
çoxtərəfli əlaqələrin
inkişaf etdirildiyi bildirilmişdir.
Konstitusiya Məhkəməsinin sədri
Azərbaycanın hüquq-mühafizə
orqanları ilə də səmərəli əməkdaşlıq münasibətlərinin
qurulduğunu söyləmişdir.
Xanım Fransuaz Giyo səmimi
görüşə görə
təşəkkürünü bildirmiş, Fransa Konstitusiya Şurasının
fəaliyyəti haqqında
ətraflı məlumat
vermişdir. Azərbaycanın sürətlə inkişaf etməsinin şahidi olduğunu deyən qonaq qazanılmış uğurların
Konstitusiya Məhkəməsinin
nümunəsində də
aşkar göründüyünü
bildirmişdir. Azərbaycanda ədalət mühakiməsinin
inkişafından danışan
fransalı hüquqşünas
Avropa dövlətləri
ilə müqayisədə
ölkəmizin həmin
mərhələni çox
qısa dövrdə keçdiyini xüsusi vurğulamışdır.
Konstitusiya Məhkəməsi
sədrinin müavini Sona Salmanovanın, hakim Südabə Həsənovanın,
Ailə, Qadın və Uşaq Problemləri üzrə Dövlət Komitəsi sədrinin müavini Sədaqət Qəhrəmanovanın
və başqalarının
da iştirak etdikləri görüşdə
qarşılıqlı əməkdaşlığın
inkişaf istiqamətləri
barədə fikir mübadiləsi aparılmış,
xanım Fransuaz Giyonu maraqlandıran suallara ətraflı cavab verilmişdir.
Sonra fransalı qonaq Konstitusiya Məhkəməsi
aparatının kollektivi
ilə görüşmüşdür.
AzərTAc
Azərbaycan.-2009.-8 aprel.-S.5.