Heydər Əliyev Fondunun laçınlılara
böyük töhfəsi
Hər bir xalqın dünyagörüşünün
dərinləşməsi, elmi
bilik və bacarıqlarının artması,
kamilliyinin təmin olunması milli təhsil sistemindən keçir. Təhsil sisteminin inkişafı və daha yüksək
səviyyəyə qaldırılması
üçün onun maddi-texniki bazasının
təkmilləşdirilməsi, müasir tipli yeni məktəblərin inşası, tədris prosesinə normal şəraitin
yaradılması zəruri
amildir. Respublikamızın
son illərdə yüksək
göstəricilərlə müşahidə olunan sosial-iqtisadi tərəqqisi
bütün sferalar kimi təhsil sisteminin də inkişafını sürətləndirərək
onun keyfiyyət baxımından müasir tələblərə uyğun
yeni forma almasına səbəb olmuşdur.
Təhsillə bağlı
qarşıya qoyulan məqsəd bu sahəni çağdaş
dövrün tələbləri
səviyyəsinə yüksəltməkdən,
intellektli gələcək
nəslin yetişdirilməsindən
ibarətdir. Elə təkcə ötən il ərzində 161 yeni məktəb binasının tikilməsi,
129 təhsil ocağının
əsaslı təmir
olunması dövlət
tərəfindən təhsilə
göstərilən diqqət
və qayğıya bariz nümunədir. Prezident İlham Əliyev tərəfindən
təsdiq edilmiş dövlət proqramına uyğun olaraq 200-dən çox gənc dünyanın 45 aparıcı
ali məktəbinə
təhsil almağa göndərilmişdir.
Cəmiyyətimizin hərtərəfli
tərəqqisini şərtləndirən
təhsilin inkişafı
faktoru köklü dəyişiklik və islahatları diktə edir. Məhz bu səbəbdən də həmin istiqamətdə dövlət
səviyyəsində görülən
işlər ilbəil
artmaqdadır. Son illərdə
təhsilin bütün
sahələrini əhatə
edən və uğurla həyata keçirilən 14 dövlət
proqramı üzrə
ayrılan büdcə
vəsaiti 5 dəfədən
çox artaraq 1,1 milyard manat təşkil
etmiş, investisiya qoyuluşlarının həcmi
isə 220 milyon manata çatmışdır.
Ötən beş il ərzində dövlət vəsaiti, Heydər Əliyev Fondunun dəstəyi və digər mənbələr hesabına
1300-ü regionlarda olmaqla,
1600 məktəb binası
inşa edilib. Heydər Əliyev Fondunun prezidenti Mehriban xanım Əliyevanın təhsilin
inkişafına göstərdiyi
xüsusi diqqət və qayğı, mədəni cəhətdən
inkişaf etmiş yüksək intellektli nəslin yetişdirilməsinə
hesablanan çoxşaxəli
fəaliyyət bu sahədə çalışanlara
böyük örnəkdir.
Fondun təhsil sahəsinin inkişafına
göstərdiyi dəstək
öz töhfəsini
verməkdədir. Təkcə
"Yeniləşən Azərbaycana
yeni məktəb"
layihəsi çərçivəsində
ən müasir avadanlıqla, informasiya texnologiyaları ilə təmin olunmuş 238 məktəb binası inşa olunmuş və ya yenidən
qurulmuşdur. Mehriban xanım Əliyevanın təşəbbüsü ilə
həyata keçirilən
proqramlar çərçivəsində
son beş ildə 44
min şagird yerlik 226 yeni məktəb binası tikilmiş, 47 məktəb və uşaq bağçası
əsaslı təmir
olunaraq müasir avadanlıqlarla təchiz edilmişdir.
Təhsil sisteminin
maddi-texniki bazasının
möhkəmləndirilməsi və təkmilləşdirilməsi,
həmçinin dünya
standartlarına uyğunlaşdırılması
istiqamətlərində dövlət
tərəfindən görülən
işlər yaxın illərdə daha da sürətlənəcəkdir.
Cəmiyyətimizin maariflənməsinə,
milli-mənəvi intibaha
xidmət edən təhsil proqramlarının
ümdə məqsədi
həm də bölgələrdə yeni
təhsil ocaqlarının
inşası, maddi-texniki
təchizatının yaxşılaşdırılmasıdır.
Ermənistanın işğalçılıq
siyasəti nəticəsində
qaçqın və məcburi köçkün
ailələri uşaqlarının
təlim-tədrisi prosesi,
münaqişədən zərər
çəkmiş ailələrin
çətinliklərinin aradan
qaldırılması qarşıda
duran başlıca vəzifələrdəndir. Ötən
illərdə bu məqsədlə Dövlət
Neft Fondundan 464 milyon manatdan çox vəsait xərclənməklə 54 yeni
qəsəbə salınmış,
15 mindən artıq ev tikilmişdir. Məcburi köçkünlərin
problemlərinin həlli,
məşğulluğunun təmin
edilməsi Prezident İlham Əliyevin gündəlik nəzarətində
və hökumətin
diqqət mərkəzindədir.
Bu məqsədlə ölkə
başçısı tərəfindən
son 5 ildə 19 fərman
və sərəncam imzalanmışdır. Prezident İlham Əliyev
qaçqın və məcburi köçkünlərin
problemləri ilə yerindəcə
Ərazilərimizin bir hissəsinin
işğalı, Dağlıq Qarabağ münaqişəsi
ilə əlaqədar doğma yurd-yuvalarından didərgin
düşmüş minlərlə qaçqın və məcburi
köçkün uşaqların təhsil alması istiqamətində
görülən işlər öz bəhrəsini verməkdədir.
Prezident İlham Əliyevin qaçqın və məcburi
köçkünlərin problemlərini daim diqqət mərkəzində
saxlaması, dövlət qayğısı bu ailələrin
üzləşdiyi çətinliklərin aradan
qaldırılmasına səbəb oldu. Yeni
salınmış qəsəbələrdə tikilmiş məktəb
binaları, təlim-tədris prosesinə lazımi şəraitin
yaradılması müharibə acısını
yaşamış gələcək nəslin yüksək
intellektli gənclər kimi formalaşmasına imkan yaradır.
Məcburi
köçkünlərin təhsil problemlərinin həlli
istiqamətində görülən işlər bu gün də
davam etdirilir. Bakının Binə qəsəbəsində
istifadəyə verilən, yeni mebel dəstləri və
avadanlıqları ilə təchiz edilmiş şəhid Pənah
Məmmədov adına 46 nömrəli Laçın
köçkün məktəbi müharibədən zərər
çəkmiş ailələrə dövlət
qayğısının təcəssümüdür. Burada
yüksək səviyyəli təlim-tədris prosesinin
aparılmasına geniş şərait yaradılıb. Ümumi
ərazisi 814 kvadratmetrlik olan 260 şagirdin təhsil
aldığı orta məktəb 16 sinif otağından ibarətdir.
Ərazidə məskunlaşmış
əhalinin 80 faizi məcburi köçkünlərdir. Burada
orta məktəbin olmasına böyük ehtiyac var idi. Bir qrup
məcburi köçkün ərazidə orta məktəbin
tikilməsinə yardım göstərməsi xahişi ilə
Heydər Əliyev Fondunun prezidenti, YUNESKO və İSESKO-nun
xoşməramlı səfiri Mehriban xanım Əliyevaya
müraciət etdi. Müraciət dərhal öz nəticəsini
verdi. 2007-ci ilin oktyabr ayında məktəb binasının
tikilməsinə başlanıldı.
2008-ci ilin Bilik günü - sentyabrın 15-də istifadəyə verilən məktəb müasir tələblərə tam cavab verir. Məktəbdə 315 şagirdin təlim-tərbiyəsi ilə 34 müəllim məşğul olur. Laçınlılara daimi dövlət qayğısı 46 nömrəli məktəbdə çalışan müəllimlərin tədris prosesində daha fəal iştirakına, yüksək intellektli və savadlı kadrların yetişdirilməsinə səbəb olur. İndi hər bir təhsil işçisi onun üçün yaradılmış yüksək iş şəraitində üzərinə düşən vəzifənin öhdəsindən layiqincə gəlir. Laçından olan məcburi köçkünlərə xüsusi diqqət, uşaqların maarifləndirilməsi istiqamətində atılan addımlar qarşımıza həlli vacib olan vəzifələr qoyur. Məcburi köçkünlərin təhsil aldıqları məktəblərin maddi-texniki bazasının möhkəmləndirilməsi, təlim-tədris prosesinə xüsusi nəzarət tədrisin keyfiyyətini yüksəltmək üçün əlverişli şərait yaratmışdır. Bu işdə bizə Laçın və Əzizbəyov rayonlarının icra hakimiyyətləri orqanlarının da dəstəyini xüsusi vurğulamaq istərdim. Bütün bunlar biz müəllimlərə işimizə daha məsuliyyətlə yanaşmağa, yüksək savadlı gənc nəslin yetişdirilməsinə səylə çalışmağa, eləcə də tədris prosesini müasir standartlar səviyyəsinə qaldırmağa əsaslı şəkildə kömək edir. Belə olan təqdirdə biz müəllimlər elmi bilik və bacarıqları mükəmməl şəkildə qavrayan yeni gənc nəslin hazırlanması kimi mühüm vətəndaşlıq borcunun yerinə yetirilməsinə daha əzmkarlıqla çalışmalıyıq. Prezident İlham Əliyevin daimi diqqət və nəzarəti, eləcə də Heydər Əliyev Fondunun qayğısı şəraitində bu vəzifələrin öhdəsindən layiqincə gələcəyimizi indi daha aydın şəkildə anlayırıq. Qarşılaşdığımız problemlərin dövlət qayğısı nəticəsində həlli uşaqların intellektual kadrlar kimi yetişməsini sürətləndirir.
Baxşeyiş Ağayev,
46 nömrəli
Laçın
məcburi köçkün
məktəbinin direktoru
Azərbaycan.-2009.-14 aprel.-S.3.