Xüsusi amansızlıqla
həyata keçirilmiş
qətllərin üstü
açılmışdır
Ədliyyə Nazirliyinin
Penitensiar Xidməti, Daxili İşlər Nazirliyinin Baş Cinayət Axtarış İdarəsi və Baş Prokurorluğun Ağır cinayətlərə
dair işlər üzrə istintaq idarəsinin əməkdaşları
tərəfindən birgə
həyata keçirilmiş
səmərəli istintaq-əməliyyat
tədbirləri 6 il əvvəl xüsusi amansızlıqla törədilmiş
qətllərin üstünün
açılması ilə
nəticələnmişdir.
Ədliyyə, Daxili İşlər nazirliklərinin
və Baş Prokurorluğun birgə məlumatında deyilir ki, 2003-cü il aprelin 3-də və 8-də
Xətai rayonu, X.Məmmədov küçəsində
yandırılmış vəziyyətdə
kişi və qadın meyitlərinin aşkar edilməsi faktları üzrə həmin tarixlərdə Xətai Rayon Prokurorluğu
tərəfindən Azərbaycan
Respublikası Cinayət
Məcəlləsinin 120.1-ci (qəsdən adam öldürmə) maddəsi
ilə cinayət işləri başlanılmaqla
istintaq aparılmışdır.
Lakin meyitlərin şəxsiyyəti
və cinayəti törətmiş şəxslər
müəyyən edilmədiyindən
2003-cü ilin oktyabr ayında hər iki cinayət işi üzrə icraat dayandırılmışdır.
Cari il yanvarın 22-də
cinayət işləri
üzrə icraat təzələnərək istintaqın
davam etdirilməsi Baş Prokurorluğun Ağır cinayətlərə
dair işlər üzrə istintaq idarəsinə həvalə
edilməklə intensiv
istintaq-əməliyyat tədbirlərinin
icrasına başlanılmışdır.
Aparılmış birgə
istintaq-əməliyyat tədbirləri
nəticəsində tapılmış
kişi və qadın meyitlərinin şəxsiyyətləri
müəyyən edilmişdir.
Həmin meyitlərin
1980-cı il təvəllüdlü, Gürcüstan
vətəndaşı Askarov
Ramin Nizamoviç və onun anası
1957-ci il təvəllüdlü,
Gürcüstan vətəndaşı
Askarova Göyçək
Abdulla qızı olduğu
müəyyənləşdirilmişdir.
Birgə keçirilmiş
əməliyyat-istintaq tədbirləri
nəticəsində cinayətlərin
Gürcüstan vətəndaşları
- 1962-ci ildə Gürcüstanın
Bolnisi rayonunda anadan olmuş Acalov Nazim Emin
oğlu və onun həyat yoldaşı, 1973-cü ildə
Tbilisi şəhərində anadan olmuş Əhmədova Raina Ələddinovna tərəfindən
törədildiyi müəyyən
edilmişdir.
Bakı şəhərində
oğurluq, qanunsuz odlu silah və
narkotik maddə əldə edib gəzdirmə, saxlama cinayətləri törətməkdə
təqsirli bilinərək
2005-ci il fevralın
21-də Azərbaycan Respublikası
CM-in 177.3.2-ci, 228.1-ci və 234.1-ci maddələri ilə 10 il müddətinə azadlıqdan məhrumetmə
cəzasına məhkum
edilmiş və hazırda Penitensiar Xidmətin 12 saylı cəzaçəkmə müəssisəsində
cəza çəkən
N.Acalov 2003-cü ilin
mart ayında kirayədə
yaşadığı Bakı
şəhəri, Xətai
rayonu, X.Məmmədov
küçəsi, 33 nömrəli
evin 48-ci mənzilində
arvadı Raina Əhmədova ilə qabaqcadan əlbir olmaqla cinayət əlaqəsinə girərək,
qohumu Askarov Ramin Nizamoviçi, onlara borclu olduğu
pulu ödəməkdən
imtina etdiyi üçün öldürmək
qərarına gəlmişlər.
Bundan sonra, N.Acalov Gürcüstanın
Rustavi şəhərinə gedərək Bakı şəhərində satış
üçün yeni malların olması adı ilə Ramin Askarovu aldadaraq Bakı şəhərinə dəvət
etmiş və
2003-cü il aprelin 2-də onunla kirayədə yaşadıqları
mənzildə birlikdə
şam yeməyi ilə spirtli içki qəbul etdikdən sonra ər-arvad Ramin Askarovun başına küt alətlə vurmuş və iplə boğub öldürmüşlər. Cinayəti gizlətmək
üçün N.Acalov
arvadı ilə birlikdə meyiti X.Məmmədov küçəsi,
39 nömrəli binanın
yaxınlığındakı zibillikdə yandırmışlar.
N.Acalov cinayətin
onun tərəfindən
törədilməsindən R.Askarovun anası Askarova Göyçək
Abdulla qızının şübhələnəcəyini
bilib, onu da öldürmək barədə arvadı ilə razılığa gəlmiş və bu məqsədlə
2003-cü il aprelin 2-də
Aparılmış istintaqla
həmin cinayət hadisələrinin Acalov Nazim Emin oğlu
və onun həyat yoldaşı Əhmədova Raina Ələddinovna tərəfindən
törədilməsi təkzibedilməz
dəlillərlə tam sübuta
yetirilmiş və Nazim Acalova Azərbaycan
Respublikası CM-in 120.2.1-ci, 120.2.5-ci,
120.2.6-cı və 120.2.10-cu maddələri ilə ittiham elan edilməklə
barəsində məhkəmənin
qərarı ilə həbs qətimkan tədbiri seçilmiş,
Raina Əhmədova isə həmin maddələrlə təqsirləndirilən
şəxs qismində
cəlb edilməklə
barəsində axtarış
elan edilmişdir.
Hazırda iş üzrə istintaq davam etdirilir.
AzərTAc
Azərbaycan.-2009.-17 aprel.-S.4.