Azərbaycanda
işgüzar səfərdə olan Rusiyanın müdafiə
naziri Anatoli Serdyukov avqustun 2-də azərbaycanlı həmkarı,
general-polkovnik Səfər Əbiyevlə
görüşmüşdür.
Müdafiə Nazirliyinin
mətbuat xidmətindən bildirmişlər ki,
görüşdə Rusiya ilə Azərbaycanın hərbi-texniki
əməkdaşlığının inkişaf perspektivləri,
Cənubi Qafqazda mövcud hərbi-siyasi vəziyyət və
Ermənistan-Azərbaycan, Dağlıq Qarabağ
münaqişəsi ilə bağlı məsələlər
müzakirə olunmuşdur.
General-polkovnik S.Əbiyev
bildirmişdir ki, münaqişənin nizamlanması prosesində
Rusiyanın göstərdiyi səylər təqdirəlayiqdir
və ümidvericidir. Müdafiə naziri əlavə
etmişdir ki, münaqişə sülh yolu ilə həll
edilməsə, hərbi vəziyyətin yaranacağı
qaçılmaz olacaqdır.
Anatoli Serdyukov iki
günlük səfəri çərçivəsində
keçirdiyi görüşlərdən
danışmış, göstərilən səmimi
münasibətə görə təşəkkürünü
bildirmişdir.
AzərTAc
Azərbaycan.- 2009.- 4 avqust.- S. 4.