Buxarest şəhərinin
2-ci sektorunun meri Nikolay Ontsyanunun başçılıq etdiyi
nümayəndə heyəti avqustun 4-də Şəhidlər
xiyabanını ziyarət etmişdir.
Azərbaycanın
azadlığı və suverenliyi uğrunda şəhid
olmuş qəhrəman Vətən oğullarının məzarları
üstünə tər çiçəklər
düzülmüş, "Əbədi məşəl"
abidəsi önünə gül dəstələri
qoyulmuşdur.
Qonaqlara Şəhidlər xiyabanının tarixi və
paytaxtımızda görülən abadlıq-quruculuq işləri
barədə məlumat verilmişdir.
Nümayəndə heyəti
Azərbaycan paytaxtının mənzərəsini seyr
etmişdir.
Avqustun 9-dək davam edəcək
səfər çərçivəsində nümayəndə
heyətinin bir sıra görüşlər keçirməsi
də nəzərdə tutulmuşdur.
AzərTAc
Azərbaycan.- 2009.- 5 avqust.- S. 4.