Azərbaycan
Respublikasının Prezidenti İlham Əliyev avqustun 6-da
bp-nin axtarış-kəşfiyyat və hasilat işləri
üzrə baş icraçı direktoru Endi İnqlisin
başçılıq etdiyi nümayəndə heyətini qəbul
etmişdir.
Görüşdə Azərbaycan
ilə bp arasında uzun illər davam edən uğurlu əməkdaşlıqdan
məmnunluq ifadə olundu. Əməkdaşlığın gələcəkdə də
genişlənməsi üçün yaxşı
imkanların mövcud olduğu vurğulandı.
bp-nin axtarış-kəşfiyyat
və hasilat işləri üzrə baş icraçı
direktoru Endi İnqlis "bp-Azərbaycan" şirkətinin
vəzifəsini başa vurmuş rəhbəri Bill
Şreyderin yerinə Rəşid Cavanşirin təyin
olunduğunu bildirərək, bu təyinatın azərbaycanlı
kadrların bp-nin fəaliyyətində yaxından
iştirakının yaxşı nümunəsi olduğunu
dedi.
Dövlətimizin
başçısı Bill Şreyderin ölkəmizlə bp
arasında əməkdaşlığın genişlənməsindəki
xidmətlərini vurğulayaraq ona gələcək fəaliyyətində
uğurlar arzuladı. Prezident
İlham Əliyev azərbaycanlı kadrın "bp-Azərbaycan"
şirkətinin prezidenti vəzifəsinə təyin
olunmasını Azərbaycan ilə bp arasında səmərəli
əməkdaşlıq əlaqələrinin təzahürü
kimi qiymətləndirdi.
AzərTAc
Azərbaycan.- 2009.- 7 avqust.- S.1.