Azərbaycanda səfərdə
olan Buxarest şəhərinin 2-ci sektorunun meri Nikolay Ontsyanu
jurnalistlərə müsahibəsində demişdir ki,
üç ildən sonra Bakını yenidən ziyarət etməkdən
çox məmnunam. Bakı həm şəhərsalma,
urbanik, həm də abadlıq, yaşıllıqların
qorunması cəhətdən tamamilə dəyişmişdir.
Əsas cəhət odur ki, yeniləşmə işləri
aparılarkən şəhərin tarixi simasının
qorunmasına xüsusi diqqət yetirilir. Biz bu gün Azərbaycan
Dövlət İncəsənət Muzeyində olmuşuq və
burada ölkə rəhbərliyi tərəfindən mədəniyyət
sahəsinə göstərilən diqqət və
qayğını öz gözlərimizlə gördük. Bu
baxımdan Heydər Əliyev Fondunun Azərbaycan mədəniyyətinin
tarixinə, inkişafına necə həssaslıqla
yanaşdığını xüsusi qeyd etmək olar.
Qonaq demişdir: "Onu
da diqqətə çatdırmaq istərdim ki, dünya
ölkələrinin əksəriyyətini
bürümüş maliyyə və iqtisadi böhran şəraitində
iqtisadiyyatı inkişaf edən, təhsilə, səhiyyəyə
və digər sahələrə investisiya yatıran Azərbaycanda
olmaq adama bir toxtaqlıq, rahatlıq verir. Bütün bunlar isə
bir daha göstərir ki, ölkə rəhbərliyi müdrik
iqtisadi, mədəni siyasət yürüdür. Azərbaycan daim inkişafda olan bir ölkədir".
AzərTAc
Azərbaycan.- 2009.- 8 avqust.- S. 2.