Rabitə və
İnformasiya Texnologiyaları Nazirliyinin mətbuat xidmətindən
bildirmişlər ki, kosmik sənayenin yaradılması və
inkişafı ilə əlaqədar Prezident İlham Əliyevin
təsdiq etdiyi Dövlət proqramının icrası ölkəmiz
üçün iqtisadi və siyasi cəhətdən
xüsusi əhəmiyyət kəsb edir.
Proqramda kosmik sənayenin
inkişafı, kosmik məlumatların əldə edilməsi
və emalı, kosmik sənaye avadanlıqlarının
respublikamızda istehsalı, ölkəmizin telekommunikasiya
peyklərinin buraxılması, peyk məlumatlarının
istifadəsi nəzərdə tutulur. Bundan başqa, Dövlət
proqramının icrası Azərbaycanın istənilən qurumlarının
dayanıqlı rabitə vasitələri ilə təminatına,
təhsil, səhiyyə və digər müəssisələr
arasında internetlə operativ əlaqələrin
yaradılmasına şərait yaradacaqdır.
Proqramda əks
olunmuş əsas məqsədlərə nail olmaq
üçün bu sahədə kadr potensialının
hazırlanması üzrə işlər də yerinə
yetiriləcəkdir.
AzərTAc
Azərbaycan.- 2009.- 20 avqust.- S. 2.