Latviya şirkəti Azərbaycan bazarına maraq göstərir

Latviyanın "Maximus Capital" investisiya kompaniyası Azərbaycanda rəsmi nümayəndəliyini açmaq imkanlarına baxır.

Şirkətin Özəl Kapitalın İdarə Edilməsi Departamentinin direktoru Dmitri Feldman bildirib ki, Azərbaycan bazarı çox perspektivlidir və rəsmi nümayəndəliyin açılması bu bazarda biznesi inkişaf etdirmək üçün vacib şərtdir. Onun sözlərinə görə, Azərbaycanda depozit üzrə yaxşı şərait var. Azərbaycan bankları yüksək faizlər verir. Bu faizlər xarici maliyyə bazarlarının orta gəlirləri fonunda Azərbaycan müştəriləri üçün elə də cəlbedici deyil. "Digər tərəfdən mən əminəm ki, beynəlxalq maliyyə bazarları investisiya potfellərini diversifikasiya etmək məqsədi ilə Azərbaycanın istər özəl, istərsə də institusional müştəriləri üçün maraq kəsb edə bilər" - deyə D.Feldman vurğulayıb.

Onun sözlərinə görə, "Maximus Capital" Azərbaycanın özəl və korporativ müştərilərinə bir sıra xidmətlər (aktivlərin etibarlı idarə olunması, şəxsi portfellərin yaradılması, əsas kapitalın qaytarılmasına zəmanət verilməsi ilə investisiya strategiyalarının hazırlanması, dünya maliyyə bazarlarında broker xidmətləri və s.) təklif etməyi nəzərdə tutur.

Məlumat üçün bildirək ki, "Maximus Capital" Avropa Birliyinin tələblərinə uyğun lisenziya almış özəl şirkətdir. Şirkətdə beynəlxalq zəngin təcrübəyə, dünya maliyyə qurumlarında müsbət reputasiyaya malik komanda çalışır. Kompaniyanın top-menecerləri və idarə layihənin üzvləri vaxtı ilə dünyanın tanınmış bank və maliyyə institutlarında işləmişlər. Hazırda "Maximus Capital" Baltik və MDB ölkələrində uğurla fəaliyyət göstərir.

Azərbaycan.- 2009.- 20 avqust.- S. 5.