Görkəmli Azərbaycan
şairi İmadəddin Nəsiminin dillər əzbəri olan
bir beytində deyilir:
Məndə
sığar ikən cahan,
Mən bu cahana
sığmazam!
Fotomüxbirimizin
Sumqayıt şəhərindən lentə aldığı
bu əzəmətli abidəyə və zümrüd aləmə
baxdıqca qəribə duyğular keçirirsən. Qəlblərdə
abidələşmiş, dərin məzmunlu poeziyası ilə
ədəbiyyatda əbədi yaşamaq hüququ
qazanmış, uzaq Hələbdə uyuduğu torpağı
ziyarətgaha çevrilmiş Nəsiminin sovet dövründə
təqdimatı çox ziddiyyətli olmuşdu. Onu allahsızlar
sırasına qoşmuşdular.
Halbuki yuxarıda
nümunə gətirdiyimiz beytinin də sonrakı
izahatlarında bildirilir ki, Nəsimi, əslində, "məndə
sığar iki cahan" deyirmiş. Son illərin məlumatlarından
da bəlli oldu ki, böyük şairin əbədi uyuduğu
məkanda onu Şeyx Nəsimi
çağırırmışlar. Bir fərəhli fakt da
var ki, bəzi klassik şairlərimizdən fərqli olaraq, Nəsiminin
şəcərəsi bu gün davam etməkdədir. Hələbdə
bu unudulmaz ustadın nəsli-nəcabəti yaşamaqdadır.
Cismi və ruhu zamanlara, məkanlara bölünmüş dahi
şairin gənclik şəhəri Sumqayıtda ucaldılan
möhtəşəm abidəsi də bu
yaşıllığın qoynunda nə qədər mənalı
və müdrik görünür.
Azərbaycan.- 2009.- 23 avqust.- S. 5.