Əfqanıstan parlament nümayəndə heyəti ümummilli lider Heydər Əliyevin məzarını və Şəhidlər xiyabanını ziyarət etmişdir

AzərTAc xəbər verir ki, ölkəmizdə səfərdə olan Əfqanıstan Milli Assambleyasının sədri Məhəmməd Yunis Qanuni və onu müşayiət edən şəxslər dekabrın 1-də Fəxri xiyabana gəldilər.

Burada qonaqları Milli Məclis Sədrinin birinci müavini Ziyafət Əsgərov və digər rəsmi şəxslər qarşıladılar.

Məhəmməd Yunis Qanuni və onu müşayiət edən şəxslər ümummilli lider Heydər Əliyevin xatirəsini ehtiramla yad etdilər və məzarı önünə əklil və gül dəstələri qoydular.

* * *

Əfqanıstan parlament nümayəndə heyəti sonra Şəhidlər xiyabanına gələrək, Azərbaycanın suverenliyi və ərazi bütövlüyü uğrunda şəhid olmuş qəhrəman Vətən övladlarının məzarları üstünə tər qərənfillər düzdülər, "Əbədi məşəl" xatirə kompleksinin önünə əklil qoydular.

Əfqanıstanlı qonaqlar Bakının ən yüksək nöqtəsindən paytaxtın mənzərəsini seyr etdilər.

Azərbaycan.-2008. -2 dekabr.-S.4.