Belçika Krallığının səfiri etimadnaməsinin surətini Azərbaycanın Xarici İşlər Nazirliyinə təqdim etmişdir

Xarici İşlər Nazirliyinin mətbuat xidmətindən AzərTAc-a bildirmişlər ki, dekabrın 15-də nazir Elmar Məmmədyarov Belçika Krallığının Azərbaycana yeni təyin olunmuş səfiri Filip Jotard ilə görüşmüşdür.

Etimadnaməsinin surətini nazirə təqdim edən səfir, Azərbaycana təyin olunmasından şad olduğunu və fəaliyyəti dövründə ölkələr, o cümlədən Azərbaycan-Avropa İttifaqı arasındakı münasibətlərin daha da inkişaf və genişlənməsinə xidmət edəcəyini söyləmişdir.

Nazir E.Məmmədyarov F.Jotardı Azərbaycana səfir təyin edilməsi münasibətilə ürəkdən təbrik etmiş və ölkələr arasındakı əlaqələrin yüksək səviyyədə olmasından məmnunluğunu bildirmişdir.

Görüşdə ikitərəfli münasibətlər və bir sıra maraq doğuran məsələlər ətrafında fikir mübadiləsi aparılmışdır.

Azərbaycan.-2008.-16 dekabr.-S.4.