Naxçıvanın yubileyi Moskvada qeyd edilmişdir

 

Rusiya Federasiyası Xarici İşlər Nazirliyinin Moskva Dövlət Beynəlxalq Münasibətlər İnstitutunda (Universitetində) (MDBMİ (U)) Naxçıvan Muxtar Respublikasının 85 illik yubileyinə həsr edilmiş konfrans keçirilmişdir. NMR Ali Məclisinin dəstəyi ilə keçirilən bu tədbirin təşkilatçıları qismində Heydər Əliyev Fondunun Rusiya Federasiyasındakı nümayəndəliyi Azərbaycanın Rusiyadakı səfirliyi çıxış etmişdir.

 

Azərbaycanın Rusiyadakı səfiri Polad Bülbüloğlu giriş sözündə xüsusi olaraq bu tədbirdə iştirak etmək üçün Moskvaya gəlmiş NMR nümayəndə heyətini Rusiya azərbaycanlıları adından ürəkdən salamlamış (MDBMİ (U)) rəhbərliyinə təşəkkürünü bildirmişdir. Bu tədbirin əhəmiyyətini xüsusi vurğulayan səfir qeyd etmişdir ki, onun keçirilməsi təşəbbüsünü Heydər Əliyev Fondu, o cümlədən Fondun Rusiyadakı nümayəndəliyinin rəhbəri Leyla Əliyeva irəli sürmüş səfirlik təşəbbüsü dəstəkləmişdir.

P.Bülbüloğlu demişdir ki, Naxçıvan Muxtar Respublikası Azərbaycanın ayrılmaz bir hissəsidir. Bu qədim diyar Azərbaycana bütün dünyaya ümummilli lider Heydər Əliyev kimi böyük şəxsiyyəti bəxş etmişdir. Səfirin sözlərinə görə, son 10-12 ildə Naxçıvan bütün sahələrdə uğurla inkişaf edir. O, naxçıvanlıların bu diyarda mövcud olan, təkcə Azərbaycan, türk mədəniyyətinə deyil, bütün müsəlman mədəniyyətinə, dünya mədəniyyətinə məxsus olan abidələrə qayğıkeş münasibətini xüsusi qeyd etmişdir.

O, daha sonra demişdir ki, Naxçıvan Muxtar Respublikasının yubileyinin Moskvada keçirilməsi əlamətdar hadisədir, çünki Rusiya bizim böyük qonşumuz, strateji tərəfdaşımızdır. Polad Bülbüloğlu demişdir: "Rusiyada çoxsaylı Azərbaycan diasporu yaşayır Rusiyanın rifahı naminə çalışır. Diaspor Azərbaycanla bağlı bütün məsələlərə ciddi maraq göstərir. Rusiyada əslən Naxçıvandan olanlar da çoxdur".

Heydər Əliyev Fondunun Rusiyadakı nümayəndəliyinin rəhbəri Leyla xanım Əliyeva salona toplaşan qonaqları salamlayaraq NMR-in yubileyinin Moskvada qeyd olunmasının əhəmiyyətini vurğulamışdır. O demişdir ki, bu il NMR-in yaradılmasından 85 il keçmişdir. Bu tarix Azərbaycanda geniş qeyd edilir. L.Əliyeva demişdir: "Bu gün biz Heydər Əliyev Fondunun dəstəyi ilə bu yubileyi Moskvada qeyd edir bizə verilmiş imkana görə Moskva Dövlət Beynəlxalq Münasibətlər İnstitutunun rəhbərliyinə təşəkkürümüzü bildiririk".

Leyla xanım Əliyeva demişdir: "Bu yubiley Azərbaycan xalqı üçün çox əzizdir. Biz haqlı olaraq bununla fəxr edirik. Biz öz mədəni tarixi köklərimizi, adət ənənələrimizi öyrəndikcə, müasir dövrün gerçəklikləri bir-birimizin uğurları ilə tanış olduqca, qarşılıqlı anlaşmaya qarşılıqlı hörmətə əsaslanan münasibətlər qurmağı öyrənirik".

Naxçıvan haqqında, bu bərəkətli diyar, onun tarixi, mədəniyyəti, ənənələri bu günü haqqında böyük məhəbbətlə söhbət açan L.Əliyeva demişdir: "Naxçıvan Azərbaycanın ayrılmaz tərkib hissəsidir. O, ilk növbədə yaşı minilliklərlə hesablanan, tarixi maraqlı faktlarla zəngin olan qədim diyardır. Əminəm ki, bu gün Naxçıvanın təbiəti haqqında, onun tarixi müasir dövrdə inkişafı haqqında çox sözlər deyiləcəkdir. Siz bu muxtar respublikanın üzləşdiyi çətinliklər haqqında, naxçıvanlıların qismətinə düşmüş ağır sınaqlardan ləyaqətlə çıxması haqqında eşidəcək, öyrənəcəksiniz. Konfransda siz Naxçıvan sakinlərinin Azərbaycan tarixinə verdiyi dəyərli töhfələr haqqında eşidəcəksiniz. Naxçıvandan olan böyük azərbaycanlıların şöhrəti hamıya məlumdur. Bu gün siz Naxçıvanın - qədim tarixə malik bu bərəkətli diyarın müasir siması ilə tanış olacaq, onun büllur kimi saf havası ilə nəfəs alacaq, əzəmətli dağlarının gözəlliyindən zövq alacaq, canlı əfsanə ilə təmasda olacaqsınız. Çünki Naxçıvan torpağı Nuh peyğəmbərin dəfn olunduğu yer bir sıra başqa sirli məqamlar məkanıdır".

Sonra NMR baş nazirinin müavini Təranə Quliyeva "Naxçıvanın sosial-iqtisadi inkişafı" mövzusunda, tarixçi professor Rudolf İvanov "Görkəmli naxçıvanlılar Rusiya dövlətinin tarixində", MDU yanında Postsovet Məkanını Öyrənən Mərkəzin baş direktorunun müavini Aleksandr Karavayev "NMR regional siyasətdə" mövzularında məruzələrlə çıxış etmişlər.

Tanınmış yazıçı-publisist, Milli Məclisin deputatı, "Heydər Əliyev. Şəxsiyyət zaman" adlı çoxcildliyin müəllifi Elmira Axundovanın şərti olaraq "Naxçıvan Heydər Əliyevi xilas etdi, Heydər Əliyev Azərbaycanı xilas etdi" adlandırdığı məruzəsi xüsusi maraqla qarşılandı. E.Axundova ümummilli lider Heydər Əliyevin 1990-1993-cü illərdə siyasi fəaliyyətinin əsas mərhələləri, onun Naxçıvana qayıtması, daha sonra dövlətimizi xilas etmək naminə Bakıya gəlməsi faktları üzərində dayanmış, ölkəmizin tarixində Heydər Əliyevin şəxsiyyətinin rolu onun irsi barədə ətraflı məlumat vermişdir.

Tədbirin təşkilatçıları qonaqlar muxtar respublikanın yubileyinə həsr edilmiş fotosərgi ilə tanış olmuşlar. Naxçıvan haqqında sənədli film nümayiş etdirilmişdir. Sonra qonaqlar Naxçıvanın Moskvaya gəlmiş mədəniyyət incəsənət xadimlərinin iştirakı ilə bayram konsertinə tamaşa etmişlər.

 

 

Asya Hacızadə

 

Azərbaycan.- 2009.- 18 dekabr.- S. 3.