Edvard Nalbandyanın
uğursuz günü
Məlum olduğu kimi, bu günlərdə İsveçrənin Davos
şəhərində Dünya
İqtisadi Forumunun Sammiti keçirilir. Məşhur
"YouTube" videoportalı Azərbaycan Prezidenti İlham Əliyevin, Türkiyənin Baş naziri Rəcəb Tayyib Ərdoğanın, İran XİN-in başçısı
Mənuçehr Mottəkinin
və onun erməni həmkarı, Ermənistan Prezidenti Serj Sarkisyanın əvəzinə, həm də 23 dəqiqə gecikməklə gəlmiş
Edvard Nalbandyanın çıxış etdikləri
iclas haqqında reportaj yerləşdirmişdir.
Ermənistan nümayəndə heyətinin
əvvəlcədən planlaşdırılmayan
bu cür "qalaqurma" gedişi iclasın aparıcısı
Bremmerin nəzərindən
qaçmamışdır. Diplomatik
tərzdə eyhamla vurğulamışdır ki,
"o başda", "hər
ehtimala qarşı"
daha bir stul var. Aydındır ki, aparıcı "hər ehtimala qarşı" ifadəsini
işlətməklə, Ermənistan
Prezidentinin bəlkə
də sessiyaya gələcəyini nəzərdə
tuturdu.
Hər halda, gəlməmiş "oyunçunun"
əvəzinə meydana
çıxmış Nalbandyan
daha bir səhvə yol verərək, Yerbol Orınbayev üçün
ayrılmış kresloya
əyləşəndə, Prezident İlham Əliyev enerji təhlükəsizliyi barədə
çıxışını artıq tamamlamaqda idi. Görünür Nalbandyanın çıxışa
başlayanda özünü
itirməsi və əsəbiliyi azərbaycanlı
natiqin çıxışını
dinləyə bilməməsi
ilə bağlı idi. Prezident İlham Əliyevin
25 dəqiqə 37 saniyə
davam etmiş əla çıxışı
fonunda ermənistanlı
nazirin çıxışı
çox zəif və məzmunsuz təsir bağışladı.
O, çıxışının əvvəlində enerji daşıyıcılarının Ermənistan ərazisindən
nəql edilməsinin səmərəliliyi, regional nəqliyyat
və enerji layihələrinin işlənib
hazırlanmasında və
həyata keçirilməsində
bu və ya digər ölkənin
təcrid edilməsinin
yolverilməz olması
barədə çeynənmiş
fikirləri söylədi.
Bu sözləri eşidəndə Prezident
İlham Əliyev təbəssümünü güclə
gizlətdi. Erməni nazirin
məzmunsuz çıxışı
müddətində auditoriyadakıları
yuxu basmışdı.
Aparıcı Ermənistan-Türkiyə münasibətlərinin
normallaşdırılması perspektivləri məsələsinə
toxundu. Nalbandyan və Ərdoğan
növbə ilə bu məsələ barədə çıxış
edəndən sonra iclasın iştirakçıları
Prezident Əliyevin də bu məsələyə
münasibət bildirməsini
xahiş etdilər.
Azərbaycan lideri qeyd etdi ki, onun
ölkəsinin Ermənistanla
heç bir münasibəti yoxdur, çünki Ermənistan
Azərbaycan ərazisinin
xeyli hissəsini işğal altında saxlayır. İlham Əliyev Ermənistandan
tranzitin "sərfəli"
olması məsələsinə
qayıdaraq istehza ilə vurğuladı ki, bu marşrut
yalnız xəritədə
"ən qısa"
görünür. Həmin yola
real məkanda dayanıb
və bugünkü reallıqları nəzərə
almaqla baxanda isə, bu, ən
uzun marşrutdur.
Azərbaycan Prezidenti həmin sözlərin mahiyyətini izah edərək dedi: "Nə qədər ki, bizim ərazilər
ermənilərin işğalı
altındadır, heç
bir əməkdaşlıq
haqqında söhbət
belə ola
bilməz".
Prezident İlham Əliyev vurğuladı ki, Azərbaycanın mövqeyi
tamamilə aydındır. O dedi:
"Biz heç bir fövqəltəbii şey
tələb etmirik,
biz yalnız Ermənistanın
beynəlxalq hüquq normalarına tabe olmasını, BMT Təhlükəsizlik
Şurasının qətnamələrini
yerinə yetirməsinı
və öz qoşunlarını Azərbaycan
ərazilərindən çıxarmasını
tələb edirik. Yalnız bundan sonra regionda
sülh bərqərar
olacaq, bütün kommunikasiyalar bərpa ediləcək və regiondakı ölkələrin
hamısı əməkdaşlıq
üçün yaranan
geniş imkanlardan bəhrələnəcəkdir".
Görünür, erməni nazir etiraz etməyə söz tapmadı. Bəlkə də
elə buna görə o, sessiyanın
axırına qədər
daha bircə kəlmə də danışmadı. Azərbaycan
Prezidentinə isə bir daha söz
verildi ki, Gürcüstanla münasibətlər
barədə məlumat
versin. İlham Əliyev Azərbaycanın
Cənubi Qafqazdakı
iki müxtəlif qonşusu ilə qarşılıqlı münasibətlərdəki
təzadları vurğulayaraq,
Bakı ilə
İclasın lap axırında aparıcı
maraqlı çıxışlarına
görə iştirakçılara
təşəkkür etdi,
Nalbandyanı "prezident
Sarkisyan" adlandırdı.
Vüqar Seyidov
AzərTAc-ın xüsusi müxbiri
Berlin
Azərbaycan.-2009.-1 fevral.-S.4.