Bakı İslam mədəniyyəti və sivilizasiyası üçün çox mühüm və tarixi bir şəhərdir

Bakı İslam mədəniyyəti və İslam sivilizasiyası üçün çox mühüm və tarixi bir şəhərdir.

Bu sözləri Azərbaycanda "Bakı-İslam mədəniyyətinin paytaxtı - 2009" Mədəniyyət ilinin təntənəli açılış mərasimində iştirak edən - İSESKO-nun baş direktoru Əbdüləziz bin Osman əl-Tuveycri demişdir.

Qonaq vurğulamışdır ki, bugünkü tədbir İslam dünyası üçün olduqca önəmlidir. Bakı hazırda İslam dünyasının dünənini, bugününü və sabahını bir-birinə qovuşdurur. İSESKO və İslam Konfransı Təşkilatı bu gün çox böyük fəxrlə "Bakı-İslam mədəniyyətinin paytaxtı - 2009" Mədəniyyət ilinin təntənəli açılışını qeyd edir.

Əbdüləziz bin Osman əl-Tuveycri vurğulamışdır ki, təmsil etdiyi qurumda Azərbaycana və onun Prezidentinə çox böyük hörmət və ehtiram vardır, onun fəaliyyəti daim yüksək qiymətləndirilir.

AzərTAc

Azərbaycan.-2009.-19 fevral.-S.3.