Daxili İşlər
Nazirliyinin hospitalının
yeni binası istifadəyə verilmişdir
Fevralın 24-də Bakının
Nərimanov rayonunda, Daxili İşlər Nazirliyinin general-leytenant Arif Heydərov adına Respublika hospitalının yeni binası istifadəyə verilmişdir.
Azərbaycan Prezidenti,
Ali Baş Komandan İlham Əliyev mərasimdə iştirak etmişdir.
Daxili işlər
naziri general-polkovnik Ramil Usubov dövlətimizin
başçısına raport
verdi.
Hospitalın kollektivi
Prezident İlham Əliyevi hərarətlə
qarşıladı. Dövlətimizin
başçısına gül
dəstəsi təqdim
olundu.
Azərbaycan Prezidenti
İlham Əliyev hospitalın açılışını
bildirən lenti kəsdi.
Hospitalın bünövrəsi
2007-ci il martın
19-da Prezident İlham Əliyev tərəfindən
qoyulmuşdu. Altımərtəbəli
üç korpusdan ibarət 320 çarpayılıq
çoxprofilli hospitalın
ümumi sahəsi 21
min kvadratmetrdir.
Hospitalın qəbul
şöbəsində və
təcili yardım bölməsində xəstələrə
ilkin tibbi yardım göstərilməsi
üçün hər
cür şərait yaradılmışdır. Kompüter
tomoqrafiyası, nüvə-maqnit
rezonansı, rəqəmsal
rentgen və ultrasəs müayinəsi
otaqlarındakı avadanlıq
da daxil olmaqla, bütün tibbi avadanlıq xaricdən gətirilmişdir.
Hospitalda müxtəlif
profilli 5 cərrahiyyə
otağı olan əməliyyat bloku, reanimasiya, intensiv terapiya, reabilitasiya və fizioterapiya, kardiologiya, nevrologiya, travmatologiya, uronefrologiya, oftalmologiya, otolorinqologiya, stomatologiya, funksional diaqnostika, radiologiya, hidroterapiya, endokrinologiya şöbələri, dəqiq
analizlərin aparılması
üçün ən
müasir avadanlıqla
təchiz olunmuş kliniki diaqnostika laboratoriyası fəaliyyət
göstərir.
Dövlətimizin başçısı
hospitalın tikintisinə
və hazırkı vəziyyətinə dair filmə baxdı.
Foyedə ümummilli
lider Heydər Əliyevin və Prezident İlham Əliyevin Azərbaycanda daxili işlər orqanlarının və səhiyyənin maddi-texniki
bazasının möhkəmləndirilməsi
istiqamətində həyata
keçirdikləri tədbirləri
əks etdirən fotoguşə yaradılmışdır.
Azərbaycan Prezidenti
hospitalın binası
ilə yaxından
Sonra tibb ocağının kollektivi
ilə görüşən
Prezident
İlham ƏLİYEV yeni binanın istifadəyə verilməsi
münasibətilə onlara
təbriklərini çatdırdı:
- Gözəl
hospitalın açılışı
münasibətilə sizi
təbrik edirəm. Çox gözəl şərait yaradılıb,
çox gözəl avadanlıq quraşdırılıbdır.
Burada dünyanın ən yüksək standartları tətbiq olunubdur. Təxminən iki il bundan
əvvəl biz bu gözəl binanın təməlini qoyduq və bu gün
isə açılışında
iştirak edirik. Əlbəttə ki, burada gözəl tibb xidməti göstərilməlidir, xəstələrə
böyük qayğı
göstərilməlidir. Həm
diaqnostika üçün,
həm də müalicə üçün,
əməliyyatların aparılması
üçün bütün
imkanlar var. Sizə də mən burada yaxşı işləməyi arzulayıram,
xəstələrə yaxşı
baxın.
Hospitalın əməkdaşı,
tibb xidməti kapitanı Hüsniyə
KAZIMOVA kollektivin adından
təşəkkür edərək
dedi:
- Hörmətli
cənab Prezident, bu möhtəşəm, bütün səhiyyə
tələblərinə cavab
verən, ən müasir tibb avadanlıqları ilə təchiz edilmiş hospitalı istifadəmizə
verdiyinizə, göstərdiyiniz
yüksək diqqət
və qayğıya görə həkimlərimiz,
bütün tibb işçilərimiz adından
Sizə dərin minnətdarlığımızı və təşəkkürümüzü
bildiririk.
Son illər
Sizin birbaşa təşəbbüs və
qayğınız sayəsində
Azərbaycanın regionlarında
çoxlu sayda belə, ən müasir tibbi avadanlıqla təchiz edilmiş xəstəxanalar,
sağlamlıq-bərpa mərkəzləri,
müalicə-diaqnostika mərkəzləri
tikilib xalqımızın
istifadəsinə verilmişdir.
Bütün bunlar ümummilli liderimiz Heydər Əliyevin ideyalarının gerçəkləşməsinin
parlaq nümunəsidir.
Cənab Prezident,
bu nəcib və xeyirxah işləriniz biz tibb işçilərini daha da vicdanla işləməyə
ruhlandırır, xalqımıza
layiqli xidmət etməyi qarşımıza
əsas vəzifə kimi qoyur.
Cənab Prezident,
bütün kollektivimiz
adından Sizi əmin edirik ki, bu gün
verdiyiniz tapşırıqları
tam məsuliyyətlə yerinə
yetirəcəyik. Xidməti
vəzifəmizin icrasında
bizə göstərdiyiniz
böyük diqqət
və qayğınıza
layiqli işimizlə cavab verəcəyik.
Daxili İşlər
Nazirliyinin veteranı Bəylər HÜSEYNOV da
ürək sözlərini
söylədi:
- Cənab
Prezident, mən 30 minlik veteranlar, onların ailə üzvləri adından Sizi ürəkdən salamlayıram. Sizə cansağlığı, uzun
ömür, xalqımızın
gələcəyi naminə
gördüyünüz böyük
işlərdə uğurlar
arzulayıram.
Sizin diqqətiniz və qayğınız sayəsində tikilib istifadəyə verilən bu gözəl tibb ocağı biz veteranlara, daxili işlər orqanlarının bütün şəxsi heyətinə çox böyük və dəyərli hədiyyə, bizə olan diqqətinizin parlaq təzahürüdür.
Cənab Prezident, biz çox şadıq ki, Siz ulu öndərimiz Heydər Əliyevin ideyalarını həyata keçirməklə yanaşı, həm də XXI əsrin tələblərinə uyğun olaraq daha da inkişaf etdirir və təkmilləşdirirsiniz. Bu, bizi çox sevindirir.
İcazə verin, ölkəmizdə sabitliyi və əmin-amanlığı ləyaqətlə qoruyan Azərbaycan polisinin və Daxili İşlər Nazirliyinin rəhbərliyi adından Sizə həmişə sədaqətli olduğumuzu bildirim. Əmin ola bilərsiniz ki, biz qarşıya qoyulan vəzifələrin ləyaqətlə yerinə yetirilməsinə həmişə hazırıq. Allah-təaladan arzu edirəm ki, Sizi həmişə qorusun.
İlham ƏLİYEV: Təşəkkür
edirəm. Bütün veteranlara mənim salamlarımı çatdırın. Onlar möhkəm olsunlar, xəstələnməsinlər. Amma işdir, xəstələnsələr, artıq
gözəl müalicə
üçün şərait
var. Bu hospital doğrudan da
dünyanın ən yüksək standartlarına
cavab verir. Dünyanın ən inkişaf etmiş ölkələrində mövcud
olan xəstəxanalardan
heç nə ilə fərqlənmir. Bəlkə də onları qabaqlayır. Burada ən müasir avadanlıq quraşdırılıb və
bina da çox
gözəl, zövqlə
tikilibdir. Həm xarici görünüşü
gözəldir, həm
də daxili dizaynı. Şübhə
etmirəm ki, burada işləmək də çox xoş olacaqdır.
Bir daha sizi təbrik edirəm və uğurlar arzulayıram.
* * *
Dövlətimizin başçısı
hospitalın kollektivi ilə xatirə şəkli çəkdirdi.
AzərTAc
Azərbaycan.-2009.-25 fevral.-S.1.