Xarici İşlər Nazirliyində görüş

ABŞ-ın Azərbaycandakı səfiri Ann Ders ölkəmizdə diplomatik fəaliyyət müddətinin başa çatması ilə əlaqədar iyunun 30-da xarici işlər naziri Elmar Məmmədyarovla görüşmüşdür.

Xarici İşlər Nazirliyinin (XİN) mətbuat xidmətindən bildirmişlər ki, görüşdə səfir Ann Ders Azərbaycanda işlədiyi dövrdə ölkələrimiz arasında münasibətlərin daha da genişlənməsi və inkişafı istiqamətində fəaliyyət göstərdiyini və ötən müddət ərzində XİN-lə faydalı əməkdaşlıq etdiyini bildirmişdir.

Azərbaycandan xoş xatirələr və təəssüratlarla ayrıldığını vurğulayan səfir fəaliyyəti zamanı göstərilən dəstək və diqqətə görə minnətdarlıq etmişdir.

Nazir E.Məmmədyarov səfir Ann Dersə ən xoş arzularını bildirmiş və gələcək işlərində müvəffəqiyyətlər arzulamışdır.

AzərTAc

Azərbaycan.- 2009.- 1 iyul.- S. 5.