Azərbaycan
Respublikasının Prezidenti İlham Əliyev iyulun 2-də
Yunanıstanın xarici işlər naziri, ATƏT-in fəaliyyətdə
olan sədri xanım Dora Bakoyannini qəbul etmişdir.
Əvvəlcə
dövlətimizin başçısının
Yunanıstanın xarici işlər naziri xanım Dora Bakoyanni
ilə görüşü oldu. Xanım Dora Bakoyanni
Yunanıstan Prezidenti Karolos Papulyasın və Baş nazir
Kostas Karamanlisin salamlarını dövlətimizin
başçısına çatdırdı.
Görüşdə
ölkələrimiz arasında siyasi, iqtisadi və digər
sahələrdə əlaqələrin uğurlu
inkişafından məmnunluq ifadə olundu. Münasibətlərimizin
genişlənməsində yüksək səviyyəli
qarşılıqlı səfərlərin əhəmiyyəti
qeyd olundu, ikitərəfli əlaqələrimizin perspektivləri
müzakirə edildi.
Dövlətimizin
başçısı Yunanıstan Prezidenti Karolos
Papulyasın və Baş nazir Kostas Karamanlisin salamlarına görə
minnətdarlığını bildirdi, onun da
salamlarını Yunanıstanın Prezidentinə və Baş
nazirinə çatdırmağı xahiş etdi.
Sonra görüş
geniş tərkibdə davam etdirildi. Görüşdə Azərbaycan
ilə ATƏT arasında əməkdaşlığın
perspektivləri barədə məsələlər müzakirə
edildi, Ermənistan-Azərbaycan, Dağlıq Qarabağ
münaqişəsinin nizama salınması ilə
bağlı danışıqların hazırkı vəziyyəti
barədə fikir mübadiləsi aparıldı.
AzərTAc
Azərbaycan.- 2009.- 3 iyul.- S. 3.