1. Azərbaycan
Respublikası və Ukrayna arasında 2009-cu il aprelin 9-da
Bakı şəhərində imzalanmış
aşağıdakı sənədlər təsdiq edilsin:
1.1. 24 mart 1997-ci il tarixdə
Kiyev şəhərində imzalanmış Azərbaycan
Respublikası Hökuməti ilə Ukrayna Hökuməti
arasında hərbi-texniki əməkdaşlıq haqqında
Sazişə dəyişikliklərin edilməsi barədə
Azərbaycan Respublikası Hökuməti ilə Ukrayna Nazirlər
Kabineti arasında Protokol;
1.2. Azərbaycan
Respublikası Hökuməti və Ukrayna Nazirlər Kabineti
arasında kosmik məkanın sülh məqsədləri
üçün tədqiqi və istifadəsi sahəsində əməkdaşlıq
haqqında Çərçivə Sazişi;
1.3. Azərbaycan
Respublikasının Milli Təhlükəsizlik Nazirliyi və
Ukraynanın Xarici Kəşfiyyat Xidməti arasında əməkdaşlığa
dair Saziş;
1.4. Azərbaycan
Respublikasının Gəncə Şəhər İcra
Hakimiyyəti və Ukraynanın Volın vilayətinin Dövlət
Administrasiyası arasında ticarət-iqtisadi, elmi-texniki və
mədəni əməkdaşlıq haqqında Saziş.
2. 2009-cu il aprelin 9-da
Bakı şəhərində imzalanmış Azərbaycan
Respublikası və Ukrayna xarici işlər nazirlikləri
arasında ikitərəfli və çoxtərəfli əməkdaşlığın
aktual məsələləri üzrə 2009-2010-cu illər
üçün məsləhətləşmələr
Planı nəzərə alınsın.
3. Azərbaycan
Respublikasının Nazirlər Kabinetinə
tapşırılsın ki, bu sərəncamın
1.1-1.4-cü bəndlərində göstərilən sənədlərin
həyata keçirilməsi üçün zəruri tədbirlər
görsün.
4. Azərbaycan
Respublikasının Xarici İşlər Nazirliyi:
4.1. bu sərəncamın
1.1-1.4-cü bəndlərində göstərilən sənədlərin
qüvvəyə minməsi üçün zəruri olan
dövlətdaxili prosedurların yerinə yetirilməsi barədə
Ukrayna tərəfini xəbərdar etsin.
4.2. bu sərəncamın
2-ci bəndində göstərilən sənədin həyata
keçirilməsini təmin etsin.
İlham ƏLİYEV,
Azərbaycan Respublikasının Prezidenti
Bakı şəhəri, 24 iyun 2009-cu il
Azərbaycan.- 2009.- 5 iyul.- S. 1.