Azərbaycan Dövlət Xəzər Dəniz Gəmiçiliyinin işçiləri
peşə bayramlarını
qeyd etmişlər
Xəzər Dəniz Gəmiçiliyinin
mədəniyyət evində keçirilən mərasimdə
ADXDG-nin rəisi Aydın Bəşirov Azərbaycan gəmiçiliyinin
son illər inkişaf tarixinə qısa ekskurs etmişdir.
Bildirmişdir ki, 1998-ci
il iyulun 2-də ulu öndər Heydər Əliyev gəmiçilik
işçilərinin peşə bayramı gününün
təsis edilməsi haqqında sərəncam
imzalamışdır. Həmin sərəncamdan sonra biz hər
il iyul ayının birinci bazar gününü gəmiçilik
işçilərinin peşə bayramı kimi qeyd edirik.
A.Bəşirov demişdir ki, cari ilin birinci yarısında Xəzər dənizçiləri 6 milyon 380,8 min ton müxtəlif təyinatlı yük daşımışlar. Bunun 4 milyon 660 min tonu tankerlərin, 510,1 min tonu universal gəmilərin, 1 milyon 210,7 min tonu isə gəmi-bərələrin payına düşür. Ötən ilin müvafiq dövrü ilə müqayisədə yük daşınmasında 11,3 faiz artım olmuşdur.
Bu gün donanmanın rəqabət qabiliyyətinin artırılması da diqqət mərkəzindədir.
2008-ci ildə dörd gəmi alınmışdır. "Akademik Zərifə Əliyeva", "Qarabağ" gəmi-bərələri, "Zəngəzur" və "Cabbar Həşimov" tankerləri hazırda Xəzərdə uğurla yük daşıyır. İndi nəqliyyat donanmasının tərkibində 79 gəmi vardır. Bunlardan 37-si quru yük gəmisi, 42-si isə tankerlərdir.
Dənizçilərin peşə bayramı
ərəfəsində Rusiyanın
Nijni Novqorod şəhərindəki "Krasnoye
Sormovo" gəmiqayırma
zavodunda daha bir gəminin - "
"
Gəmiçiliyin rəisi bu gün ixtisaslı kadrların yetişməsinə də böyük önəm verildiyini xatırladaraq demişdir ki, ulu öndər Heydər Əliyevin göstərişi ilə 1996-cı ildə Azərbaycan Dövlət Dəniz Akademiyası açılmışdır.
Peşə bayramı ilə əlaqədar ölkəmizin başçısının sərəncamları ilə 14 nəfər dənizçinin "Tərəqqi" medalı ilə təltif edildiyi xüsusi vurğulanmışdır.
A.Bəşirov peşə bayramı münasibətilə dənizçilərin bir qrupuna "Dəniz donanmasının fəxri işçisi" medalını təqdim etmişdir.
Yığıncaq iştirakçıları adından Azərbaycan Prezidenti İlham Əliyevə müraciət qəbul olunmuşdur.
Tədbir bədii proqramla davam etdirilmişdir.
AzərTAc
Azərbaycan.- 2009.- 5 iyul.-
S. 2.