"Diplomatik xidmətdə fərqlənməyə görə" medalının təsis edilməsi haqqında

Azərbaycan Respublikasının Qanunu

Azərbaycan Respublikasının Milli Məclisi qərara alır:

I. "Diplomatik xidmətdə fərqlənməyə görə" Azərbaycan Respublikasının medalı təsis edilsin.

II. "Azərbaycan Respublikasının orden və medallarının təsis edilməsi haqqında" Azərbaycan Respublikası Qanununun (Azərbaycan Respublikası Ali Sovetinin Məlumatı, 1992-ci il, ¹ 23, maddə 996; 1993-cü il, ¹ 23, maddə 676; Azərbaycan Respublikasının Qanunvericilik Toplusu, 2002-ci il, ¹ 5, maddə 251; 2003-cü il, ¹ 12, I kitab, maddə 677; 2005-ci il, ¹ 4, maddə 291; 2006-cı il, ¹ 10, maddə 846; 2007-ci il, ¹ 3, maddə 213; 2008-ci il, ¹ 6, maddələr 452, 472) 2-ci maddəsinə aşağıdakı məzmunda on səkkizinci abzas əlavə edilsin:

"Diplomatik xidmətdə fərqlənməyə görə" medalı.".

III. "Diplomatik xidmətdə fərqlənməyə görə" Azərbaycan Respublikasının medalı haqqında Əsasnamə təsdiq edilsin (əlavə olunur).

IV. "Diplomatik xidmətdə fərqlənməyə görə" Azərbaycan Respublikasının medalının təsviri təsdiq edilsin (əlavə olunur).

İlham ƏLİYEV,

Azərbaycan Respublikasının Prezidenti

Bakı şəhəri, 30 iyun 2009-cu il

Azərbaycan.- 2009.- 8 iyul.- S. 1.