Dünya Poçt
İttifaqı Beynəlxalq Bürosunun baş direktoru Eduard
Dayan iyunun 4-5-də poçt maliyyə xidmətlərinin
inkişafı üzrə Bakıda keçirilən konfransla
bağlı Azərbaycanın poçt administrasiyasına məktub
göndərmişdir.
E.Dayan ölkənin
bütün əhalisinin poçt və müasir maliyyə
xidmətlərindən istifadə etməsini Azərbaycan Rabitə
və İnformasiya Texnologiyaları Nazirliyinin uğuru hesab
etmişdir. Məktubda həmçinin onun poçt maliyyə
xidmətlərinin inkişafında əldə edilmiş
yüksək nəticələr və gəlirlər
haqqında məlumatlı olması diqqətə
çatdırılır. Baş direktor poçt maliyyə
xidmətlərinin inkişafı sahəsində Azərbaycanın
təcrübəsinin bir çox ölkələr
üçün nümunə olacağını
bildirmişdir.
AzərTAc
Azərbaycan.- 2009.- 11 iyul.- S. 5.