Assosiasiyanın
prezidenti, Türkiyə Mətbuat Şurasının sədri
Oqtay Eqşi qurumun ötənilki fəaliyyəti barədə
məlumat vermişdir. Dünya mətbuatında müşahidə
olunan meyillərdən bəhs edən O.Eqşi son dövrdə
internetmedianın geniş vüsət almasının qəzetlərin
satışına əsaslı təsir göstərdiyini
vurğulamış, dünya iqtisadi böhranının mətbuata
təsiri ilə bağlı faktları
açıqlamışdır.
Ə.Amaşov çıxışında şuranın fəaliyyəti,
media-ictimaiyyət, media - hakimiyyət münasibətlərinin
tənzimlənməsində həyata keçirdiyi layihələr
barədə məlumat vermişdir.
Azərbaycanda media sahəsində
həyata keçirilən dövlət siyasəti barədə
məlumat tədbir iştirakçılarının
marağına səbəb olmuşdur. Onlar Kütləvi
İnformasiya Vasitələrinin İnkişafına Dövlət
Dəstəyi Fondu ilə bağlı səslənən fikirləri
diqqətlə qarşılamış, qurumun iş prinsipləri
ilə ətraflı maraqlanmışlar.
Toplantıda dünyada
söz və mətbuat azadlığının vəziyyəti
müzakirə olunmuş, onun tənzimlənməsində fərqli
fəaliyyət istiqamətlərinə malik mətbuat
şuralarının ümumi strategiyasının
hazırlanması məqsədəuyğun hesab edilmişdir.
Sonda təşkilati məsələyə
baxılmış, Hindistan Mətbuat Şurasının sədri
J.N.Ray Dünya Mətbuat Şuraları Assosiasiyasının
yeni prezidenti seçilmişdir.
AzərTAc
Azərbaycan.- 2009.- 14 iyul.- S. 15.