İyulun 15-də Azərbaycan
Respublikasının Prezidenti İlham Əliyevin Böyük
Britaniya və Şimali İrlandiya Birləşmiş
Krallığına rəsmi səfəri başa
çatmışdır.
Azərbaycanın və
Böyük Britaniyanın dövlət bayraqlarının
dalğalandığı Londonun "Hitrou" hava
limanında Prezident İlham Əliyevi və xanımı Mehriban
Əliyevanı Böyük Britaniyanın yüksək vəzifəli
dövlət və hökumət nümayəndələri
böyük hörmət və ehtiramla yola saldılar.
* * *
Dövlətimizin
başçısı həmin gün axşam Bakıya gəldi.
Azərbaycan Prezidentini
Heydər Əliyev adına Beynəlxalq Hava Limanında Baş
nazir Artur Rasizadə, Prezident Administrasiyasının rəhbəri
Ramiz Mehdiyev və Bakı Şəhər İcra Hakimiyyətinin
başçısı Hacıbala Abutalıbov
qarşıladılar.
AzərTAc
Azərbaycan.- 2009.- 16 iyul.- S. 1.