Azərbaycan Respublikası Prezidentinin Sərəncamı
Azərbaycan Respublikası
Konstitusiyasının 109-cu maddəsinin 9-cu və 32-ci bəndlərini,
habelə "Məhkəmələr və hakimlər
haqqında" Azərbaycan Respublikası Qanununun 94-cü maddəsini
və 97-ci maddəsinin ikinci hissəsini rəhbər tutaraq qərara
alıram:
1. Abdullayev Vəli Əsgər
oğlu vəzifəsinin dəyişdirilməsi ilə əlaqədar
Gəncə şəhəri Kəpəz Rayon Məhkəməsinin
hakimi və həmin məhkəmənin sədri təyin
edilsin.
2. Hüseynova Təranə
Talış qızı vəzifəsinin dəyişdirilməsi
ilə əlaqədar Şamaxı Rayon Məhkəməsinin
hakimi təyin edilsin.
3. Müəyyən edilsin
ki, bu sərəncamın 1-ci bəndində göstərilən
hakimin səlahiyyət müddəti "Məhkəmələr
və hakimlər haqqında" Azərbaycan Respublikası
Qanununun Keçid müddəalarının 8-ci bəndi ilə
tənzimlənir.
İlham ƏLİYEV,
Azərbaycan Respublikasının Prezidenti
Bakı şəhəri, 20 iyul 2009-cu il
Azərbaycan.- 2009.- 21 iyul.- S. 1.