"Azərbaycan
Respublikası regionlarının sosial-iqtisadi inkişafı
Dövlət Proqramının (2004-2008-ci illlər)"
uğurlu icrası Sumqayıtın da simasını kökündən
dəyişdirib.
Burada geniş miqyasda
abadlıq işləri indi də davam edir. Şəhərin əsas
yolları tam təmir edilmiş, ara yollarda aparılan işlər
sona çatmaq üzrədir. Daim nəzarətdə olan sahələrdən
biri də yaşıllaşdırma və onun qorunub
saxlanmasıdır. Bu məqsədlə park, xiyaban və
küçələrdə xeyli ağac, dekorativ güllər
əkilmiş, həmin sahəyə xidmət göstərənlərin
sayı artırılmışdır. Burada adambaşına
düşən yaşıllıq sahəsi 26 kvadratmetrdir.
Ümumilikdə isə şəhər ərazisində
yaşıl sahə 950 hektara yaxındır.
Sumqayıtda aparılan
yeniliklərdən biri də çoxmərtəbəli
yaşayış binalarının fasadlarının əsaslı
təmiridir. 185 binanın fasadlarının təmiri başa
çatmışdır. Ümummilli lider Heydər Əliyevin
adını daşıyan abidə kompleksinin ətrafında,
şəhər icra hakimiyyətinin həyətində,
Üzeyir Hacıbəyov küçəsindəki parkda təzə
dirəklər basdırılmış, yenidənqurma işləri
aparılmışdır. Şəhərdə
işıqlandırılma da zövqlə
aparıldığı üçün gecələr sanki
gündüzə çevrilir.
Bu il Sumqayıtın
60 yaşı tamam olur. Buna baxmayaraq
indi də onu gənclər şəhəri adlandırırlar.
Yəqin
ki, yaşlaşdıqca
gəncləşdiyinə görə
hələ çox-çox
illər bundan sonra da bu
şəhəri belə
çağıracaqlar.
Akif ƏLİYEV
Azərbaycan.- 2009.- 21 iyul.- S. 4.