Azərbaycan
Respublikasının Prezidenti İlham Əliyev iyulun 21-də
İsrailin fövqəladə və səlahiyyətli səfiri
Artur Lenki Azərbaycanda diplomatik fəaliyyətinin başa
çatması ilə əlaqədar qəbul etmişdir.
Prezident İlham Əliyev
iki ölkə arasında münasibətlərin
inkişafından məmnunluğunu söylədi. Dövlətimizin
başçısı ölkəmizdə fəaliyyəti
dövründə Artur Lenkin Azərbaycan-İsrail əlaqələrinin
genişlənməsi işinə öz töhfəsini
verdiyini bildirdi və gələcək fəaliyyətində
ona uğurlar arzuladı.
Artur Lenk ölkələrimiz
arasında münasibətlərin inkişaf etdiyini,
iqtisadi-ticarət əlaqələrinin daha da genişləndiyini
vurğuladı, onun fəaliyyətinə verdiyi yüksək
qiymətə görə Prezident İlham Əliyevə minnətdarlığını
bildirdi.
AzərTAc
Azərbaycan.- 2009.- 22 iyul.- S. 1.