Azərbaycan
Respublikası Dövlət Neft Fondunun (ARDNF) icraçı
direktoru Şahmar Mövsümov iyulun 21-də London Sitinin meri
Alderman Yan Luderin rəhbərlik etdiyi nümayəndə heyəti
ilə görüşmüşdür.
Ş.Mövsümov
Dövlət Neft Fondunun fəaliyyəti, vəsaitlərinin
idarə edilməsi, Mineral Ehtiyatların Hasilatı ilə Məşğul
olan Sənaye Sahələrində Şəffaflıq Təşəbbüsünün
(MHŞT) Azərbaycanda tətbiqi prosesində fondun aparıcı
rolu, Azərbaycanın MHŞT üzrə beynəlxalq İdarə
Heyətində təmsilçiliyi barədə qonaqlara ətraflı
məlumat vermişdir.
Alderman Yan Luder Dövlət
Neft Fondunun MHŞT-nin tətbiqi sahəsində
uğurlarını və fondun öz fəaliyyətində
şəffaflığı təmin etməsini yüksək
qiymətləndirdiyini qeyd etmişdir.
Görüşdə Azərbaycan
və Böyük Britaniya arasındakı iqtisadi əməkdaşlığın
vəziyyəti və inkişaf perspektivləri, suveren fondlar,
ölkəmizdəki iqtisadi islahatlar, Azərbaycanda neft
sektorunun rolu, əsas prioritet məsələlərdən olan
qeyri-neft sektorunun inkişaf etdirilməsi və digər məsələlər
ətrafında fikir mübadiləsi
aparılmışdır.
AzərTAc
Azərbaycan.- 2009.- 22 iyul.- S. 4.