ATƏT-in Minsk qrupunun həmsədrləri
Azərbaycan və Ermənistan prezidentlərinin Moskva
görüşü ilə əlaqədar bəyanat
yaymışlar.
Bəyanatda deyilir ki,
iyulun 17-də keçirilmiş görüşdə prezidentlər
təkbətək müzakirələr aparmışlar. Danışıqlar
ATƏT-in Minsk qrupunun həmsədrləri Yuri Merzlyakov
(Rusiya), Bernar Fasye (Fransa), ABŞ dövlət katibi
müavininin köməkçisi Mətyu Brayzənin və ATƏT-in
hazırkı sədrinin xüsusi nümayəndəsi Anji
Kaspşikin iştirakı ilə aparılmışdır. İyulun
18-də isə danışıqlarda Rusiya Prezidenti Dmitri
Medvedev də iştirak etmişdir.
Görüşdə tərəflərə
Dağlıq Qarabağ münaqişəsinin həlli ilə
bağlı əsas prinsiplərin hələ də
razılaşdırılmamış bəzi elementlərini
müzakirə etməyə şərait
yaradılmışdır.
Həmsədrlər hər
iki prezidentə bildirmişlər ki, onlar iyul ayının
sonunda Polşanın Krakov şəhərində
işçi iclası keçirəcəklər. Bu
görüşün məqsədi prezidentlər Barak Obama,
Dmitri Medvedev və Nikola Sarkozinin "L"aquila bəyannamələrinə"
uyğun olaraq Madrid sənədinin yenilənmiş
versiyasını hazırlamaqdır.
Sənəddə o da
bildirilir ki, sentyabrın sonu və ya oktyabrın əvvəllərində
Ermənistan və Azərbaycan prezidentlərinin növbəti
görüşünü razılaşdırmaq
üçün həmsədrlər sentyabr ayında regiona səfər
etmək niyyətindədirlər.
Azərbaycan.- 2009.- 23 iyul.- S. 5.