Azərbaycan
Respublikasının Milli Məclisi qərara alır:
Azərbaycan
Respublikasının İsmayıllı rayonunun inzibati ərazi
bölgüsündə aşağıdakı dəyişikliklər
edilsin:
Qalacıq kənd
inzibati ərazi dairəsi tərkibində mövcud olan
yaşayış məntəqələri müvafiq olaraq
Çəmənli və Elabad kəndləri
adlandırılsın və Azərbaycan Respublikasının ərazi
vahidlərinin və inzibati ərazi dairələrinin Dövlət
reyestrinə daxil edilsin.
Bizlan və Zərgəran
kəndləri Tircan kənd inzibati ərazi dairəsi tərkibindən
ayrılaraq, mərkəzi Bizlan kəndi olmaqla, Bizlan kənd
inzibati ərazi dairəsi yaradılsın və Azərbaycan
Respublikasının ərazi vahidlərinin və inzibati ərazi
dairələrinin Dövlət reyestrinə daxil edilsin.
Xanagah kəndi
Qalınçaq kənd inzibati ərazi dairəsi tərkibindən
ayrılaraq, həmin kənd mərkəz olmaqla, Xanagah kənd
inzibati ərazi dairəsi yaradılsın və Azərbaycan
Respublikasının ərazi vahidlərinin və inzibati ərazi
dairələrinin Dövlət reyestrinə daxil edilsin.
İstisu,
Çayqovuşan və Elabad kəndləri Qalacıq kənd
inzibati ərazi dairəsi tərkibindən ayrılaraq, mərkəzi
İstisu kəndi olmaqla, İstisu kənd inzibati ərazi dairəsi
yaradılsın və Azərbaycan Respublikasının ərazi
vahidlərinin və inzibati ərazi dairələrinin Dövlət
reyestrinə daxil edilsin.
İlham ƏLİYEV,
Azərbaycan Respublikasının Prezidenti
Bakı şəhəri, 30 iyun 2009-cu il
Azərbaycan.- 2009.- 28 iyul.- S. 1.