"Əmanətlərin
sığortalanması haqqında" Azərbaycan
Respublikasının Qanununda
əlavələr və dəyişikliklər edilməsi
barədə
Azərbaycan
Respublikasının Qanunu
Azərbaycan Respublikasının
Milli Məclisi qərara alır:
1. 2.1.2.6-cı maddədə "Azərbaycan
Respublikası Milli Bankının (bundan sonra - Milli Bank) uçot dərəcəsinin
1,8 mislindən" sözləri "bu qanunun 8.1.20-ci maddəsinə
uyğun olaraq müəyyən edilmiş
həddən" sözləri
ilə əvəz edilsin;
2. 2.1.9-cu maddədə
"Milli Bank" sözləri
"Azərbaycan Respublikasının
Mərkəzi Bankı
(bundan sonra - Mərkəzi Bank)" sözləri
ilə əvəz edilsin;
3. qanunun mətnində
"Milli" sözü
"Mərkəzi" sözü
ilə əvəz edilsin;
4. Aşağıdakı
məzmunda 8.1.20-ci maddə
əlavə edilsin və 8.1.20-ci maddə müvafiq olaraq 8.1.21-ci maddə hesab edilsin:
"8.1.20. qorunan əmanətlər
üzrə illik faiz dərəcəsinin yuxarı həddini Mərkəzi Bankla razılaşdırmaqla müəyyən
edir;"
5. 26-cı maddə
aşağıdakı redaksiyada
verilsin:
"Fond tərəfindən
hər bir iştirakçı bankda
sığortalanmış əmanət
üzrə əmanətin
100 faizi həcmində,
lakin 30 (otuz) min manatdan çox olmamaq şərtilə kompensasiya ödənilir.".
II. 2009-cu il
yanvarın 1-dən sonra
Mərkəzi Bankın
uçot dərəcəsinin
1,8 mislindən yuxarı
faiz dərəcələri
ilə, lakin "Əmanətlərin sığortalanması
haqqında" Azərbaycan
Respublikası Qanununun
8.1.20-ci maddəsinə uyğun
olaraq müəyyən
ediləcək faiz dərəcəsinin yuxarı
həddinədək olan
faiz dərəcələri
ilə cəlb edilmiş əmanətlər
qorunan əmanətlər
hesab edilsin.
İlham Əliyev,
Azərbaycan Respublikasının Prezidenti
Bakı şəhəri,
8 may 2009-cu il
Azərbaycan.-2009.-6 iyun.-S.1.