İyunun 11-də Yeni Azərbaycan
Partiyasının (YAP) Qadınlar Şurası ümummilli
lider Heydər Əliyevin Azərbaycanda hakimiyyətə gəlməsinin
40-cı ildönümünə və 15 İyun - Milli
Qurtuluş Gününə həsr olunmuş tədbir
keçirmişdir.
Konfrans
iştirakçıları əvvəlcə Fəxri xiyabana
gələrək xalqımızın ümummilli lideri,
müasir Azərbaycan dövlətinin memarı və qurucusu
Heydər Əliyevin xatirəsini ehtiramla yad etmiş, məzarı
önünə əklil qoymuşlar.
Görkəmli
oftalmoloq-alim, akademik Zərifə xanım Əliyevanın da məzarı
üzərinə gül dəstələri qoyulmuşdur.
YAP Xətai rayon təşkilatının
qərargahında keçirilən tədbirdə bayram
münasibətilə iştirakçıları təbrik edən
partiyanın Qadınlar Şurasının sədri Nurlana Əliyeva
40 il öncə Azərbaycan tarixində dönüş
anının baş verdiyini, ulu öndər Heydər Əliyevin
Azərbaycan KP MK-nın birinci katibi seçildiyini
xatırlatmışdır. Yeni rəhbərin Mərkəzi
Komitənin avqust plenumundakı
çıxışını xüsusi vurğulayan natiq qeyd
etmişdir ki, bu nitq öz tənqidi ruhu ilə Heydər Əliyevi
bütün cəmiyyətə tanıtdı. Xalqımız
Heydər Əliyevin şəxsində ölkə rəhbərliyinə
qeyri-adi bir şəxsiyyətin gəldiyini anladı. Mövcud
sosialist sisteminin məhdudiyyətlərinə baxmayaraq, sovet Azərbaycanında
13 il hakimiyyətdə olan Heydər Əliyev
respublikamızı geridə qalmış kənd təsərrüfatı
ölkəsindən qabaqcıllar sırasına çıxardı.
Sosial-iqtisadi sahədə əldə edilmiş uğurlar nəticəsində
xalqımızın rifah halı yaxşılaşdı,
bütün sahələrdə - elm, təhsil, səhiyyə,
mədəniyyət və digər sahələrdə
görünməmiş inkişafa nail olundu. Ümummilli
liderimiz talenin onun üçün nəzərdə
tutduğu vəzifənin - Azərbaycan dövlətinin
müstəqilliyini hazırlamaq və həyata keçirmək
missiyasının öhdəsindən layiqincə gəldi. Qarşıya
çıxan çətinliklərə, problemlərə
baxmayaraq, milli dövlətçiliyimizin formalaşması
üçün ilkin zəmini məhz sovet hakimiyyəti illərində
hazırladı. Dəmir iradəsi, yorulmazlığı,
qeyri-adi müdrikliyi, dövlət siyasətindən peşəkar
səviyyədə baş çıxarması nəticəsində
Heydər Əliyev yalnız keçmiş SSRİ məkanında
deyil, beynəlxalq miqyasda tanınmış siyasi xadimə
çevrildi. Bu nüfuz, hörmət və mənsub olduğu
xalqın sevgisi nəticəsində lider səviyyəsinə
qalxan Heydər Əliyev müstəqilliyin ilk illərində
də Azərbaycanı xaosdan, qardaş
qırğınından, dövlətçiliyin tamamilə
itirilməsindən xilas etdi. Xalqın təkidli tələbi
ilə hakimiyyətə qayıdan ulu öndər, nəinki
bütün bunların qarşısını aldı, eyni
zamanda Azərbaycanın gələcək inkişaf
strategiyasını işləyib hazırladı. Məhz həmin
strategiyanın hazırda Prezident İlham Əliyev tərəfindən
uğurla həyata keçirilməsi nəticəsində Azərbaycan
sürətlə inkişaf edir və regionun lider dövlətinə
çevrilmişdir.
Tədbirdə
çıxış edənlər - Milli Məclisin
deputatları Elmira Axundova, Gülər Əhmədova və
Memarlıq və İnşaat Universitetinin rektoru
Gülçöhrə Məmmədova, YAP Nərimanov rayon təşkilatı
Qadınlar Şurasının sədri Məhəbbət
İbrahimova və başqaları vurğulamışlar ki,
hakimiyyətə qayıtdıqdan sonra həyata keçirdiyi
islahatlar, yeritdiyi siyasət nəticəsində Azərbaycanı
bütün dünyaya tanıdan ümummilli lider Heydər Əliyev
xalqımızın öz seçimində
yanılmadığını sübut etdi. Sevindirici haldır
ki, dahi öndərin əsasını qoyduğu ideyalar bu
gün Prezident İlham Əliyev tərəfindən uğurla
həyata keçirilir, Azərbaycan xalqı onun rəhbərliyi
altında xoşbəxt gələcəyə doğru qətiyyətlə
addımlayır.
Tədbir Pedaqoji Kollecin
tələbələri tərəfindən
hazırlanmış ədəbi-bədii kompozisiya ilə
başa çatmışdır.
AzərTAc
Azərbaycan.- 2009.- 12 iyun.- S. 3.