Polşa Seyminin
Polşa-Azərbaycan parlamentlərarası əlaqələr
üzrə işçi qrupunun rəhbəri Vieslav Voda iyunun
16-da Milli Məclis Sədrinin müavini, Təbii ehtiyatlar,
energetika və ekologiya komitəsinin sədri Valeh Ələsgərovla
görüşmüşdür.
Valeh Ələsgərov
Milli Məclisin strukturu, fəaliyyəti, beynəlxalq əlaqələri,
ölkəmizdə həyata keçirilən iqtisadi islahatlar,
neft strategiyası və digər məsələlər barədə
qonaqlara ətraflı məlumat vermişdir. Xalqlarımız
arasında tarixən mövcud olan dostluq əlaqələrindən
söz açmış, parlamentlərarası münasibətlərin
inkişaf etdirilməsinin vacibliyini vurğulamış, bu
baxımdan qarşılıqlı səfərlərin əhəmiyyətini
xüsusi qeyd etmişdir.
Bildirilmişdir ki, Azərbaycan
Polşa ilə bütün sahələrdə əlaqələrin
inkişafında maraqlıdır.
Polşa nümayəndə
heyətinin rəhbəri Vieslav Voda Azərbaycanda ilk dəfə
olduqlarını, ölkəmizin onlarda xoş təəssürat
yaratdığını və burada gedən inkişafdan məmnun
qaldıqlarını bildirmişdir. Qonaq Ermənistan-Azərbaycan,
Dağlıq Qarabağ münaqişəsində
Polşanın Azərbaycanın ərazi
bütövlüyünü dəstəklədiyini demiş,
ölkəsinin problemin beynəlxalq hüquq normaları
çərçivəsində ədalətli həllinə
tərəfdar olduğunu qeyd etmişdir.
Vieslav Voda Azərbaycanın
Cənubi Qafqazda lider dövlət olduğunu, Avropaya
inteqrasiyasını, Avropanın enerji təhlükəsizliyindəki
rolunu yüksək qiymətləndirmişdir.
Sonra görüşdə
Avropa enerji təhlükəsizliyi məsələsində Azərbaycanın
rolu, ölkəmizin təşəbbüskarı və
iştirakçısı olduğu qlobal miqyaslı neft və
qaz layihələri, Azərbaycan-Polşa əlaqələrinin
inkişaf perspektivləri, parlamentlərarası işçi
qruplarının fəaliyyətinin daha da genişləndirilməsi
və qarşılıqlı maraq doğuran digər məsələlər
ətrafında geniş fikir mübadiləsi
aparılmışdır.
AzərTAc
Azərbaycan.- 2009.- 17 iyun.- S. 3.