İyunun 18-də
Baş Prokurorluğun Kadrlar İdarəsinin Tədris Mərkəzində
"İnsan və vətəndaş hüquq və
azadlıqlarının qorunması Azərbaycan
Prokurorluğunun fəaliyyətinin prioritet istiqamətidir"
mövzusunda seminar keçirilmişdir.
Seminarı giriş
sözü ilə açan baş prokurorun birinci müavini
Rüstəm Usubov 1993-cü ilin ikinci yarısından etibarən
ümummilli lider Heydər Əliyevin rəhbərliyi
altında demokratik, hüquqi və dünyəvi dövlət
quruculuğu istiqamətində atılan addımların, milli
dövlətçilik ənənələrinə, beynəlxalq
standartlara əsaslanan hüquq islahatlarının insan
hüquq və azadlıqlarının təminatı sahəsində
əsaslı dönüşə səbəb olmasını
vurğulayaraq, Azərbaycan Prezidenti İlham Əliyevin 2007-ci
il 18 iyun tarixli sərəncamı ilə hər il iyun
ayının 18-nin Azərbaycan Respublikasında insan
hüquqları günü kimi qeyd edilməsini diqqətə
çatdırmışdır.
Seminarda iştirak edən
Azərbaycan Respublikası Milli Məclisi Aparatının
dövlət quruculuğu üzrə qanunvericilik şöbəsinin
müdiri Lətif Hüseynov, Baş Prokurorluğun idarə rəisi
Nazim Abbasov, şöbə rəisləri Eldar Əfəndiyev
və Natiq Hüseynov çıxış edərək
dövlətimizin başçısı İlham Əliyevin
2006-cı il 28 dekabr tarixli sərəncamı ilə "Azərbaycan
Respublikasında insan hüquqlarının müdafiəsi
üzrə Milli Fəaliyyət Planı"nın təsdiq
edilməsinin respublikamızda insan hüquq və azadlıqlarının
müdafiəsi, demokratiyanın və qanunun aliliyinin təmin
edilməsi sahəsində mühüm mərhələ
olmasını qeyd etmiş, eyni zamanda, Azərbaycan
Respublikası Prokurorluğunda insan hüquqlarının
müdafiəsi sahəsində görülmüş işlər
barədə ətraflı məlumat vermişlər.
Tədbirdə seminar
iştirakçılarını maraqlandıran suallar
cavablandırılmışdır.
AzərTAc
Azərbaycan.- 2009.- 19 iyun.- S. 4.