Sədr qonağı
ölkəmizdə diplomatik fəaliyyətə
başlaması münasibəti ilə təbrik edərək,
ona gələcək işlərində uğurlar arzuladı.
Ümidvar olduğunu bildirdi ki, səfir ölkələrimiz
arasındakı mövcud əməkdaşlığın
daha da inkişafı üçün səylərini əsirgəməyəcək.
Qeyd edildi ki, Azərbaycan Çin Xalq Respublikası ilə əlaqələrin
dərinləşməsinə böyük əhəmiyyət
verir. Bu sahə Azərbaycanın xarici siyasətində prioritet istiqamətlərdən biridir.
Milli Məclisin Sədri
ölkə başçılarının görüşləri
zamanı aparılan danışıqları yüksək qiymətləndirərək
ölkələrimiz arasında imzalanmış 30-dan artıq
sənədin münasibətlərimizin möhkəm
hüquqi bazasını təşkil etdiyini diqqətə
çatdırdı. Parlamentlərarası əlaqələrin
dövlətlərarası münasibətlər sistemində
rolunu yüksək qiymətləndirdi. Hər iki ölkənin
qanunvericilik orqanlarında parlamentlərarası əlaqələr
üzrə dostluq qruplarının fəaliyyət göstərməsini
təqdirəlayiq hesab etdi. Spiker deputatlarımızın
müxtəlif beynəlxalq qurumlarda əməkdaşlığının
və nümayəndə heyətlərinin
qarşılıqlı səfərlərinin əhəmiyyətindən
danışdı. Bildirdi ki, iqtisadi sahədə də əlaqələrimiz
yüksələn xətlə inkişaf etməkdədir. Bununla
yanaşı, bu sahədə əlaqələrin daha da dərinləşməsində
geniş imkanlar mövcuddur və bunun üçün
müvafiq hüquqi baza yaradılmışdır.
Spiker Dağlıq
Qarabağ münaqişəsindən söz açaraq
Çinin bu məsələdə Azərbaycanın ərazi
bütövlüyünü dəstəkləməsini
yüksək qiymətləndirərək gələcəkdə
də Azərbaycanın ədalətli mövqeyini müdafiə
edəcəyinə inamını bildirdi.
Səfir Ç.Yannyan
Çin-Azərbaycan münasibətlərinin daha da dərinləşməsi
üçün öz qüvvə və
bacarığını əsirgəməyəcəyini
bildirdi. O, Azərbaycanda keçirdiyi görüşlərdən
və ölkəmizdə gördüyü inkişafdan məmnun
qaldığını söylədi.
Əlaqələrimizin
dərinləşməsində parlamentlərin rolunu xüsusi
vurğulayaraq, gələcəkdə nümayəndə heyətlərinin
qarşılıqlı səfərlərinə xüsusi diqqət
yetirməyi vacib saydı. Qeyd etdi ki, Çin ölkəmizdə
iqtisadi, mədəni, humanitar sahələrdə əməkdaşlığın
daha da dərinləşməsinə böyük maraq göstərir.
Söhbət zamanı
qarşılıqlı maraq doğuran digər məsələlər
ətrafında da fikir mübadiləsi aparıldı.
Azərbaycan.- 2009.- 19
iyun.- S. 2.