Azərbaycan
Respublikası Konstitusiyasının 109-cu maddəsinin 9-cu və
32-ci bəndlərini rəhbər tutaraq qərara alıram:
1. “Məhkəmələr
və hakimlər haqqında” Azərbaycan Respublikası
Qanununun 94-cü maddəsinə və 97-ci maddəsinin ikinci
hissəsinə uyğun olaraq aşağıdakı hakimlərin
vəzifələri dəyişdirilsin:
1.1. Abdurəhmanlı
İsmayıl Xudaverdi oğlu Şamaxı Rayon Məhkəməsinin
hakimi vəzifəsindən azad edilərək Astara Rayon Məhkəməsinin
hakimi və həmin məhkəmənin sədri təyin
edilsin;
1.2. Mürsəlov Rufan
Kamil oğlu Bərdə Rayon Məhkəməsinin hakimi vəzifəsindən
azad edilərək Bakı şəhəri Qaradağ Rayon Məhkəməsinin
hakimi təyin edilsin.
2. “Məhkəmələr
və hakimlər haqqında” Azərbaycan Respublikası
Qanununun 112-ci maddəsinə uyğun olaraq
aşağıdakı hakimlərin vəzifələri dəyişdirilsin:
2.1. Cəbiyev Elnur Muxtar
oğlu Astara Rayon Məhkəməsinin sədri və həmin
məhkəmənin hakimi vəzifəsindən azad edilərək
Neftçala Rayon Məhkəməsinin hakimi təyin edilsin;
2.2. Fəttahov
İbrahim Bağır oğlu Gəncə şəhəri Kəpəz
Rayon Məhkəməsinin sədri və həmin məhkəmənin
hakimi vəzifəsindən azad edilərək Bərdə
Rayon Məhkəməsinin hakimi təyin edilsin.
3. Müəyyən
edilsin ki, bu sərəncamın 1.2-ci, 2.1-ci və 2.2-ci bəndlərində
göstərilən hakimlərin səlahiyyət müddəti
“Məhkəmələr və hakimlər haqqında” Azərbaycan
Respublikası Qanununun keçid müddəalarının 8-ci
bəndinə uyğun olaraq müəyyən olunur.
İlham ƏLİYEV
Azərbaycan Respublikasının Prezidenti
Bakı şəhəri, 22 iyun 2009-cu il
Azərbaycan.- 2009.- 23 iyun.- S. 2.