Azərbaycan
Respublikasının Prezidenti İlham Əliyev iyunun 23-də
Serbiyanın xarici işlər naziri Vuk Yeremiçin
başçılıq etdiyi nümayəndə heyətini qəbul
etmişdir.
Dövlətimizin
başçısı Azərbaycanla Serbiya arasında ikitərəfli
münasibətlərin uğurlu inkişafından məmnunluğunu
bildirdi. Prezident İlham Əliyev ölkələrimizin beynəlxalq
təşkilatlarda bir-birini bundan sonra da dəstəkləyəcəyini
dedi. Ölkələrimiz arasında münasibətlərin
sürətli inkişafının zəruri olduğunu deyən
dövlətimizin başçısı ümidvar olduğunu
bildirdi ki, Serbiyanın xarici işlər nazirinin Azərbaycana
səfəri bu istiqamətdə atılan mühüm
addım olacaqdır. Münasibətlərin inkişafı
üçün yaxşı potensialın mövcud
olduğunu bildirən Prezident İlham Əliyev dedi ki, beynəlxalq
təşkilatlarda ölkələrimizin
qarşılıqlı dəstəyini nəzərə alsaq,
bu sahədə əməkdaşlıq, əlaqələrimizin
daha da genişlənməsi üçün möhkəm əsas
yaradır.
Dövlətimizin
başçısı təkcə siyasi sahədə deyil,
iqtisadi, mədəni və digər sahələrdə məhsuldar
əməkdaşlıq üçün yeni sahələrin
müəyyənləşdirilməsi istiqamətində
konkret addımların atılacağını
vurğuladı və əlaqələrimizin bundan sonra da
inkişaf edəcəyinə əminliyini ifadə etdi.
Bakıda, Xarici
İşlər Nazirliyində aparılan danışıqlara
toxunan qonaq dedi ki, biz siyasi sahədə uğurla inkişaf edən
əlaqələrimizin daha da genişləndirilməsinin vacibliyi
barədə yekdil qərara gəldik. Bakıya gəlməzdən
əvvəl ölkəsinin Prezidenti ilə söhbət
etdiyini bildirən xarici işlər naziri Vuk Yeremiç qeyd
etdi ki, Serbiya rəhbərliyi Azərbaycan ilə ikitərəfli
əlaqələrin müxtəlif istiqamətlərdə,
habelə beynəlxalq əməkdaşlıq sahəsində
sürətlə inkişaf etməsində maraqlıdır. Nazir
əlaqələrimizin bundan sonra daha da inkişaf edəcəyinə
əminliyini bildirdi.
AzərTAc
Azərbaycan.- 2009.- 24 iyun.- S. 1.