Biz Prezidentimizin tez-tez hərbi
forma geyindiyinin, cəbhə bölgəsinə, ordu hissələrinə
getdiyinin şahidiyik. Həmişə də bu səfərləri,
əsgər və zabitlərlə görüşləri mavi
ekrandan seyr edəndə sonsuz qürur və iftixar hissi
keçirmişik: Azərbaycanın əsl sərkərdəni
xatırladan qədd-qamətli, güclü və iradəli
dövlət başçısı - Ali Baş Komandanı
var! Bu komandan vətənini də, xalqını da, ordusunu da
qəlbən sevir, daim onun qayğısına qalır! Azərbaycan
Prezidenti, Ali Baş Komandan cənab İlham Əliyevin hərbi
hissələrə hər səfəri hamımız
üçün maraqlı, hərbçilər
üçünsə unudulmaz və əlamətdardır. Bu səfərlər
zamanı:
Ali Baş Komandan hərbi
hissəyə döyüş bayrağını təqdim
edir, onu möhkəm qorumağı, şərəfini uca
tutmağı tapşırır!
Ali Baş Komandan
birbaşa səngərdə Vətənə xidmətdə fərqlənən
əsgərlərə mükafat, qiymətli hədiyyə
verir!
Ali Baş Komandan ordu yeməkxanasında
əsgərlərlə bərabər nahar edir, çay
içir.
Ali Baş Komandan yeni
silahın təqdimatı ilə bağlı raportu dinləyir,
təzə binanın açılış lentini kəsir.
Ali Baş Komandan
müxtəlif qoşun növlərində xidmət göstərən
əsgərlərin döyüş məharətlərini
seyr edir.
Bütün bu məqamlarda
Ali Baş Komandan çox təmkinli və soyuqqanlıdır!
- Bu onun tələbkarlığından
və daşıdığı şərəfli
missiyanın böyük məsuliyyətindən irəli gəlir.
Bəzən təbəssümünü
gizlədə bilmir! - Axı, razılıq və məmnunluq
ifadəsini niyə gizlində saxlayasan...
Vətənin
keşikçiləri qarşısında
çıxış edərkən hərdən
yumruqlarını düyümləyir! - Qəzəbin
ünvanı bəllidir, hərə öz payını
vaxtında götürsə yaxşıdır!
Uzun illərdir ki, Azərbaycan
Prezidenti, Ali Baş Komandan cənab İlham Əliyev ordu hissələrini,
cəbhə xəttini, döyüş mövqelərini və
əsgər kazarmalarını gəzir.
Bu, təkcə məhəbbət
deyil!
Bu, yalnız orduda inam və
ruh yüksəkliyi yaratmağa xidmət etmir!
Ali Baş Komandanın hərbi
hissələrə hər səfəri, hər il Azərbaycan
Ordusuna ayrılan külli miqdarda vəsait, hər yeni texnika, hər
müasir silah-sursat, hər dəfə keçirilən əsgər
və zabitlərin peşəkarlığının,
döyüş bacarığının yüksəldilməsinə
xidmət edən təlimlər eyni zamanda ciddi xəbərdarlıqdır!
Ermənistan-Azərbaycan,
Dağlıq Qarabağ müharibəsində 20 min vətən
övladı şəhid gedib!
Azərbaycan öz ərazisinin 20 faizini itirib!
Hazırda ölkəmizdə
doğma yurd-yuvasından
zorla qovularaq qaçqın və məcburi köçkün
vəziyyətində yaşayan
bir milyondan çox insan var!
Uzun illər boyu davam edən
sülh danışıqları nəticə vermir!
Bütün bunlar isə
Azərbaycan xalqını və onun Prezidenti, Ali Baş
Komandanı İlham Əliyevi qane etmir.
Azərbaycan
güclü iqtisadiyyata malik müasir və demokratik dövlətdir!
Azərbaycan dünyada səsi
və sözü eşidilən nüfuzlu ölkədir!
Azərbaycan Cənubi
Qafqazda lider mövqeyə, ən güclü və modern orduya
malikdir!
Azərbaycan yüksəliş
və tərəqqi mərhələsini yaşayır,
gücü və qüdrəti ilbəil artır!
Azərbaycan dövləti
maraqlarını və milli mənafeyini bütün vasitələrlə
qorumağı bacarır!
Azərbaycan Prezidenti
İlham Əliyev yenilməz iradə və qətiyyətli
mövqe nümayiş etdirir!
Onun sözü ilə əməli daim bir olub. Prezidentimiz deyib: "Nə bu gün,
nə 10 ildən, nə 100 ildən sonra Dağlıq Qarabağ müstəqil dövlət olmayacaqdır.
Azərbaycanın mövqeyi
birmənalıdır.
Bütün təzyiqlərə
baxmayaraq, bu mövqeyi biz axıra qədər müdafiə edəcəyik".
"Bizim
döyüş potensialımız həqiqətən
çox yüksək səviyyədədir".
"Bu gün bizim
ordumuz bölgədə ən qüdrətli ordudur".
"Azərbaycan Ordusu
istənilən vaxtda öz doğma torpaqlarını azad edə
bilər və lazım olan vaxtda bütün
gücümüzü səfərbər edərək biz buna
nail olacağıq".
"Azərbaycanda istənilən
vəzifəni icra etməyə qadir olan silahlı birləşmələr
fəaliyyət göstərir və Azərbaycanın ərazi
bütövlüyünün bərpası üçün
biz lazım olan halda hərbi gücdən də istifadə edə
bilərik. Bu, bizim suveren hüququmuzdur. Beynəlxalq hüquq
normaları da bizə bu imkanı verir".
Bir neçə gün
öncə Azərbaycan Prezidenti, Ali Baş Komandan İlham Əliyev
Silahlı Qüvvələrin yaradılmasının 91-ci
ildönümü münasibətilə Müdafiə
Nazirliyinin, Dövlət Sərhəd Xidmətinin və Daxili
Qoşunların birləşmə və hissələrinin
birgə keçirdiyi irimiqyaslı əməliyyat-taktiki təliminin
əsas mərhələsini izləmişdir. Hərbçilər
qarşısında çıxış edən baş sərkərdəmiz
İlham Əliyev demişdir:
- Müharibə hələ
bitməyib, müharibənin birinci mərhələsi başa
çatıbdır və hər an hazır olmalıyıq
ki, öz doğma torpağımızı düşməndən
silahlı yolla azad edək!
Qoy hamı bilsin:
Artıq Azərbaycan güclü orduya malikdir!
Artıq Azərbaycanın
səbri tükənir!
Arxada qalan müharibənin
birinci mərhələsidir!..
Bəxtiyar SADIQOV
Azərbaycan.- 2009.- 28 iyun.- S. 1.